Tempotimor (Dili) – Bankada Congresu Nasionál Rekonstrusaun Timorense (CNRT) iha Parlamentu Nasionál (PN), dúvida ho desizaun Prezidente Repúblika nian. Tanba, bainhira Bankada FRETILIN iha PN vota kontra ba projeitu ruma, PR a favor ba desizaun FRETILIN.

"Pozisaun CNRT nian ne'ebé la fó Prezidente Repúblika ba partisipa Asembleia Jerál ONU mak bankada CNRT hakarak hateten katak, vingansa polítika nia huun loloos mak partidu Fretilin, no PR tenta husik membru oitavu Governu indijitadu laiha solusaun no la serteza," deklara deputadu Bankada CNRT, Gabriel Soares iha plenária, Tersa (24/09/19).

Nia dehan, Prezidente Repúblika rejeita fó pose ba membru Governu, hatudu katak Señor Prezidente Repúblika lakohi kumpri Konstituisaun RDTL no husik Governu la kompleitu to'o agora.

“Ami konsiente no la'ós novidade ho átu PR nian. Iha tinan rua ikus ne'e, maluk opozisaun vota kontra projetu de leis ruma, desizaun ikus PR nian a favór ba maluk opozisaun sira nian. Maski  projetu vota a favór maioria, iha plenária PN," Gabriel afirma.

Buat hirak ne'e, nia esplika akontese tanba Prezidente Repúblika la hatudu onestidade. “La kumpri Konstituisaun RDTL hodi la fó pose ba membru Governu sira. Tanba ne'e, CNRT sei ejize ba PR atu kumpri desizaun povu nian”.

Hatán ba deklarasaun Bankada CNRT ne'e, Xefi Bankada FRETILIN, deputadu Aniceto Guterres katak, membru Governu na'in sia ne'ebé PR la fó pose, bele lori ba tribunál.

"Dehan PR kontra Konstituisaun RDTL hodi la fó pose ba membru na'in sia ne'e, bele lori ba tribunal. PR viola ka la viola," dehan Aniceito.

Iha fatin hanesan deputadu bankada PLP, Sabino Soares 'Guntur' katak, presiza klarifika ba públiku karik Prezidente Repúblika mak foti pozisaun hotu hodi halo julgamentu ba ema na'in sia ka oinsá.

Tuir publikasaun iha CNRT Midia Center bolu sarani Prezidente da Republika, Dr. Francisco Guterres Lu-Olo nu'udar 'BONEKA' ba Sekretariu Jeral FRETILIN, Dr. Mari Alkatiri. 

"Dr. MA (Mari Alkatiri) ezije dialogu hafoin F2000 lakon iha elisaun Antisipada ne'ebe nia nu'udar poder informal maka volante ninia boneka Dr. Francisco Guterres hodi deside EA ne'e!' Publika iha CNRT MC.

Tempotimor.com koko konfirma ho parte Prezidensia da Republika maibe rejeita atu fo komentariu kona ba CNRT MC nia sarani Prezidente Lu Olo hanesan BONEKA.

Tempotimor (Dili) – Maske Timor-Leste iha rikusoin oin-oin ne’ebé mai husi natureza hanesan mina, ai-kameli, kafé no seluk tan. Maibé, riku mós ho risku no poténsia bo’ot atu nasaun foun ne’e hasoru.
 
“Ita la’ós riku iha rikusoin de'it, ita riku mós iha risku. Risku ne’e iha ami nia parte jeolojia, ami bolu risku jeolójiku ne’ebé fahe ba rua, ida rísku mai husi natureza hanesan rai halai, ida fali risku artefisiais,”esplika Prezidente Institutu Petróleu no Jeolojia (IPJ), Hélio Casimiro Guterres, Segunda (16/12/19), bainhira lansa Sentru Informasaun kona-ba monitorizasaun terramoto no tasi sa’e ka tsunami. 
 
Guterres dehan, liuhosi lansamentu ne’e, bele hatudu pasu pozitivu ida ba serbisu IPJ nian. Nune’e, bele habelar liután instituisaun no foku espesífiku ba rai nakdoko no tasi sa’e nian.
 
Iha 2018, tuir Guterres, IPJ konsege sosa ona mákina tolu atu deteta rai nakdoko no tsunami, atu monitoriza situasaun refere.
 
Iha mós planu atu sosa tan ekipamentu hanesan atu monta iha RAEOA, tanba bazeia ba pontu de vista tékniku IPJ kona-ba rai nakdoko no tsunami.
 
“Ita-nia rai Timor situa ho koloka iha fatin ring of fire ou aneis de fogu, aat ka di’ak, risku sira ne’e sei akontese mai ita. Liuliu risku vulkaun la akontese iha ne’e. Maibé, ninia ondas vulkániku husi tasi feto nian afeta mai to’o ita Timor inkui ita-nia rai nakdoko,” esplika Guterres.
 
Maske nune’e, nia salienta, atu adapta ho rísku sira ne’e, maka presiza investe iha tékniku no mós ekipamentus, atu nune’e bele hodi alerta ba sidadaun sira atu buka moris.
 
Guterres dehan, rísku ne’ebé bo’ot liu ba zona seízmiku mak iha Munisípiu Ainaro ho Manatutu, parte Laclo nian. Ne’e duni, tuir Guterres, presiza monta tan ekipamentu seízmumeter iha munisípiu refere. Tanba, entre munisípiu rua ne’e, rísku bo’ot liu maka iha Laclo nian.
Tempotimor (Dili) – Oitavu governu Konstusional ofisialmente aprova rezolusaun ba nomeasaun Kay Rala Xanana Gusmão nu'udar reprezentante ekonómia azul iha Timor-Leste, ne'ebé Nasoens Unidus hahú dezenvolve ona.

Tempotimor (Dili) – Prezidente Tribunál Rekursu (PTR), Deolindo Dos Santos konsidera, asaun ne'ebé eis Komandante ein Xefi FALINTIL, Kay Rala Xanana Gusmão halo iha Kaitehu, Munisípiu Likisa, semana liubá, la devia akontese.

"Buat ne'e la devia akontese, kuandu bainhira kompriende regra prosesu penál. Tanba, tribunál  seidauk foti desizaun ruma ne'ebé hapara obra estadu nian. Desizaun mak sai ne'e, entre privadu na'in rua. Tanba ne'e, mak tuir loloos buat ne'e la akontese bainhira ita hakarak kumpri regra permite prosesuál ne'ebé iha," hatete PTR Deolindo iha Ministériu Finansas, Aitarak-Laran, Segunda (16/09/19).

Nia dehan, tribunál la ba harii lutu hodi taka obra estadu nian. "Tribunál la ba harii took lutu taka dalan iha ne'ebá ita boot sira (jornalista, red.). Tribunál la ba harii taka dalan ba obra ne'e. Tribunál  ba tau sinál iha ne'ebá,  katak rai ida ne'e agora atu restitusi ba ida ne'e. Tribunál sira la ba baku ai iha ne'ebá. Agora, taka dalan tomak ne'e tribunál la halo ida," Deolindo afirma.

Alende ne'e, lider karismatiku Xanana Gusmão dehan katak tribunál mak taka obra estadu nian. "Bainhira tribunál haruka taka, ha'u mak ne'e. Servisu fali. Tribunal hakarak mai kaer ha'u, ha'u prontu ba kadeia," deklara Xanana Gusmão iha Kaitehu, Tersa (10/09/19).

Tempotimor (Dili) – Estadu Timor-Leste ohin iha ona governu dawalu no gasta ona fundu minarai hamutuk bilaun sanolu resin haat (14). Maibé, infraestrutura bázika ba povu kontinua hakdasak.

Tempotimor (Dili) – Tuir eis Prezidente Rejiaun Administrativu Espesiál Oe-Cusse Ambeno no Zona Espesiál Ekonomia Sosiál Merkadu (RAEOA-ZEESM), Mari Alkatiri nia previzaun, LUGU sei ukun RAEOA-ZEESM tinan ida de'it.

"Ha'u la komenta ba ida ne'e. Imi hein de'it mak rona rezultadu. Tinan ida de'it. Tinan ida de'it. Hein tinan ida," dehan Mari Alkatiri iha Centro Convenções Dili (CCD), Kinta (07/11/19).

Iha sorin seluk, kandidatu forte ba Prezidente RAEOA-ZEESM, José Luis Guterres (LUGU) hatán katak, hein rezultadu mak sei haree.

"Hein mak ita haree. Ha'u lakohi mai gava iha ita boot sira nia oin. Ha'u bele hala'o hanesan ne'e. Ita hein. Ha'u hakarak imi akompaña nafatin, krítiku nafatin. Ha'u lakohi ema matenek ka oinsá. Ha'u hakarak rezultadu konkretu," dehan LUGU.

Nia mós husu públiku atu haree povu Oe-Cusse nia moris durante iha nia lideransa.

Tempotimor (Dili) – Konsellu Ministru (KM), Kinta (18/12/19) aprova proposta Ministru Ensinu Superiór Siénsia no Kultura (MESSK), ne'ebé sei halo asina akordu kooperasaun ho universidade lima husi Portugál no ida husi Tailándia.
 
"Asinatura protokolu koperasaun entre Ministru Ensinu Superior Siénsia no Kultura no Universidade Portugal maka hanesan; Universidade Minho, Porto, Evora, Algarve no lnstitutu Politékniku Porto no Universidade Walailak hosi Tailándia. Univesidade hirak ne'e sei simu estudante bolseiru timoroan sira," informa Ministru Prezidensia Konsellu Ministru (MPKM), Agio Pereira iha Palásiu Governu, Kuarta (18/12/19).
 
 Nia dehan, objetivu husi asinatura akordu ne’e atu operasionaliza pagamentu ba universidade sira no koordena oinsá progresu kona-ba estudu estudante sira nian iha ne'ebá," dehan Agio.
 
Alende husu aprovasaun Konsellu Ministtu nian ba akordu kooperasaun ne'e, KM mós aprova dekretu husi Ministra Edukasaun Juventude no Desportu (MEDJ), kona-ba atribuisaun distinsaun ba edukadór sira.
 
"KM aprova Dekretu Governu ne’ebé aprezenta hosi Ministra Edukasaun, Juventude no Desportu, Dulce de Jesus Soares, kona-ba atribuisaun distinsaun ba edukadór infánsia sira, dosente no dirijente sira iha estabelesimentu eskola nian," tenik Agio. 
 
Distinsaun ida-ne’e fó, hodi rekoñese importánsia husi servisu ne’ebé dosente no dirijente sira dezenpeña enkuantu nu'udar fatór motivasaun no insentivu hodI promove edukasaun ida ho kualidade.

Tempotimor (Dili)-Prezidente Repúblika Francisco Guterres Lu Olo fó fiar ba Laureadu Nobel da Paz, José Ramos Horta hodi sai mediadór hakotu impase politika ne'ebé Timor Leste hasoru daudauk ne'e.

Tempotimor (Dili) – The President of Aliens for change and Progress (AMP/Alianca Mudanca Progresu) Kay Rala Xanana Gusmão was not present on the first day of the AMP Conference held at the Terra Santa Hotel, Rai-kotu-Dili.

Tempotimor (Dili) – Bankada FRETILIN iha Parlamentu Nasionál (PN) husu ba bankada Governu atu labele 'show force' ba proposta lei atividade petrolífeiru no lei fundu petrolífeiru ne'ebé hetan veto husi Prezidente Repúblika. Tanba, tuir bankada oposizaun ne'e, buat ida mak inkonstituisionalidade kontinua inkonstituisionalidade.

"Se ita hakarak show of power ne'e ita la'o. Maibé, ita la muda buat ida. Ida inkonstituisionalidade kontinua inkonstituisionalidade. Tanba la tuir buat ne'ebé mak tribunál hatudu nia konsekuénsia mak diploma ne'e sei la hetan promulgasaun," deklara Prezidente Bankada FRETILIN, Aniceto Guterres Lopes iha plenária PN, Tersa (08/10/19).

FRETILIN husu ba bankada Governu, atu halo reformulasaun ba diploma rua ne'ebé hetan julga husi Tribunál Rekursu no inkonstituisionalidade.

"Husu ba bankada Governu, mai ita hamutuk halo reformulasaun ba diploma sira ne'e, hanesan obrigasaun konstituisionál atu kumpri Konstituisaun RDTL no desizaun tribunal, nu'udar desizaun aas liu iha estadu Timor-Leste," dehan Aniceto Guterres.

Hatán ba deklarasaun ne'e, Prezidente Bankada CNRT Duarte Nunes katak, bankada Governu iha ona kondisaun ba halo reformulasaun ba diploma lei atividade petrolífeiru no lei fundu petrolífeiru.

Iha fatin hanesan, Bankada Partidu Libertasauan Povu (PLP), Maria Angelina Sarmento katak PLP prontu halo apresiasaun ba artigu ne'ebé mak ein kestaun.

"PLP Laiha objetivu show force. Maibé, oinsá mak show force be with dezenvolvimentu ba povu ida ne'e, atu lori dezenvolvimentu ne'ebé di'ak no sustentavel," dehan Maria.

Page 1 of 20

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com