Tempotimor (Dili)-Maske Partidu Demokratiku (PD) prefere atu iha Governu Grande Inkluzaun ida, maibé iha posibilidade boot PD sei halo koligasaun ho Partidu CNRT hodi forma governu foun.

Tuir fonte www.tempotimor.com ne'ebé iha asesu ba diskusaun durante Konferensia Nasionál PD hatete, maioria konferesista sira hakarak atu PD halo koligasaun ho CNRT.

"Diskusaun la'o manas, maibé kuaze barak mak hakarak atu PD halo koligasaun ho CNRT," deklara fonte ne'e.

Tuir fonte seluk, Konferensia Nasionál PD ne'e setingan de'it tanba desizaun ba koligasaun ne'e iha ona.

"Konferensia ne'e hanesan setting ona. Buat (koligasaun) ne'e iha ne'ebá (CNRT) ona sa. Desizaun maioria mak ba iha ne'ebá (CNRT). Ami iha diferensia hanoin mais buat la'o hanesan ne'e ona ne'e," deklara fonte ne'e.

Maske nune'e, PD seidauk anunsia ba públiku desizaun ne'ebé sira foti tanba sei sumariza hanoin hirak ne'ebé hato'o durante konferensia nasionál ne'e.

 

Kanek iha Pasadu La Impede

Bainhira koligasaun PD ho CNRT akontese duni, bele dehan koligasaun entre partidu rua ne'e la'os buat foun.

Iha tinan 2007, PD ho CNRT halo koligasaun hodi forma governu Aliansa Maioria Parlamentar jilid I. Governasaun AMP ne'e konsege kaer ukun to'o tinan 2012.

Hafoin ida ne'e, iha tinan 2012, PD hamutuk nafatin ho CNRT hodi forma koligasaun AMP jilid II, maibé hafoin tinan tolu, iha tinan 2015, CNRT deside hodi husi PD no hamutuk fali ho FRETILIN hodi kontinua ukun to'o 2017.

Maske PD iha istoria moruk ida ne'e, maibé PD nafatin hakarak kria koligasaun ho CNRT.

Bainhira hataan pergunta jornalista www.tempotimor.com kona-ba kestaun ne'e, Prezidente PD Mariano Assanami Sabino hatete situasaun politika atual obriga PD atu sakrifika aan no la haree ba istoria pasadu tanba PD hakarak salva nasaun.

Asanami dehan, PD lakohi atu iha Eleisaun Antesipada ne'ebé sai nu'udar rekursu ikus tan ne'e PD sei halo koligasaun ho partidu ne'ebé de'it hodi bele salva nasaun.

"Lao ho CNRT dala-ruma sai hela dalan klaran mós iha, situasaun barak akontese, maibé lia-fuan xave mak ne'e, buat sira ne'e hotu lisaun par ami aprende par depois hamrik, mais ami la uza ida ne'e par satan ba salva nasaun."

"Governu salvasaun nasional tanba situasaun atual. PD prontu foti risku. PD brani foti risku i partidu see de'it mak durante ne'e la di'ak ho PD maibé mai ho proposta salva nasaun, PD prontu lao," deklara Asanami.

Tempotimor (Dili) – Eis Sekretária Estadu Igualidade Jeneru, Idelta Maria Rodrigues, partilla informasaun ba Primeru Ministru Taur Matan Ruak, relasiona ho dezenvolvimentu iha Timor-Leste, liuliu liga ba área rurál ne'ebé kontinua marka pasu.

"Ha'u kontinua aprezenta ba PM kona-ba área dezenvolvimentu rural. Tanba ne'e, sei hein rezultadu husi Primeiru Ministru nune'e mós atu ajuda ka suporta polítika VIII Governu nian hodi halo programa ka dezenvolvimentu rurál nian iha Timor Leste," tenik eis Sekretária Estadu Igualdade Jeneru, Idelta Maria Rodrigues iha Palásiu Governu, Segunda (30/09/19).

Nia afirma, povu Timor-Leste barak mak sei moris iha ki'ak no mukit, ne'e problema ida ba estadu. Entaun, bazeia ba planu estratéjiku dezenvolvimentu nasionál katak, iha 2030 povu hetan moris ho saúde di'ak no prosperu.

"Atu atinje planu ne'e la'ós dezenvolvimentu iha nasionál de'it. Maibé mós tuun ba iha baze atu nune'e halo reafirmasaun ka revolusaun ne'ebé di'ak, para bele implementa polítika Governu nian ba moris di'ak," afirma Idelta.

Idelta esplika, knua ba dezenvolvimentu mak husi suku. Entaun, iha Governu ida ne'e nafatin esforsu hodi tau atensaun ba povu nia moris di'ak, atu povu hotu bele sente katak independensia ne'e merese ba povu tomak, hodi nune'e povu hotu bele partisipa di'ak iha prosesu dezenvolvimentu tomak.

Tempotimor (Dili) - Partidu Libertasaun Populár (PLP) laiha ona interese atu hasoru Partidu Congresso Nacional Reconstrução Timor-Leste CNRT hodi buka solusaun ba impase atuál.

Tempotimor (Dili) - Governu la funsiona normál hafoin Bankada Governu, Congresso Nacional Reconstrução Timor-Leste (CNRT) la vota afavór ba Orsamentu Jerál Estadu (OJE) tinan fiskál 2020.

Tempotimor (Dili) - Partidu Demokrátiku (PD) no Partidu Kmanek Haburas Unidade Nasionál Timor Oan (KHUNTO) deside ona pozisaun hodi hamutuk Partidu Congresso Nacional Reconstrução Timor-Leste (CNRT) forma governu.

Tempotimor (Dili) – Bankada opozisaun Frente Revolucionaria Timor-Leste Independente (FRETILIN) iha Parlamentu Nasionál, konsidera Parlamentu Nasionál (PN) mukit liu iha asuntu plenaria. Tanba, liu tinan ida ona maibé laiha lei ne'ebé PN deskute.
 
"Atividade Parlamentu Nasionál mukit liu. Durante ne'e, laiha ordem do dia. Maibé, ita hala'o plenaria. Uluk iha tiha entendimentu ida katak bainhira laiha ordem do dia, laiha plenaria," dehan deputadu Fretilin Francisco Miranda Branco hafoin plenaria, Tersa (13/08/2019).
 
Tuir Branco, PN iha duni situasaun emerjensia ida kona-ba proposta lei haat husi Governu. Proposta Governu ne'ebe PN rasik ma hasai desizaun, husu urjensia, agora urjensia hotu ona, ita filafali ba normal, situasaun parlamentu nian mak hanesan nune'e. Mukit liutan," dehan Branco.
 
Lei KAK
 
Bankada FRETILIN mós afirma, iha projeitu de lei ida, iha komisaun A. Maibé, konzeladu tiha. Ita iha Ministru Reforma Lejislativa Asuntu Parlamentar ida, maibé ita laiha proposta de lei. Ami mós kestiona reforma lejislativa saida, to'o agora proposta lei ida laiha. Tinan ida liu ona, maibé atividade PN mukit ba beibeik," dehan Branco.
 
Hatán ba preokupasaun ne'e, Prezidente Komisaun A Parlamentu Nasionál, Carmelita Moniz katak, lei Komisaun Anti Korrupsaun (KAK) la konzeladu. Maibé, foin estuda hotu kapítulu  ida.
 
"Projeitu de lei Komisaun Anti Korrupsaun la konzeladu. Ami halo hela diskusaun durante tempu liubá. Kapítulu primeiru kona-ba dispozisaun jerál hotu ona. Ne'ebé artigu hamutuk ruanolu resin hotu ona. Agora, ami atu tama ba kapítulu segundu. Bazeia ba hanoin balun ne'ebé mai husi kolega deputadu inklui sosiedade sira katak, tenke iha prevensaun no represaun," dehan deputada Carmelita.
 
Deputada ne'e komenta, atu tama ba kapítulu foun Komisaun A tenke buka referensia inklui halo kapitulu foun kona-ba deklarasaun de bens.

Tempotimor (Dili) - Destinu pagamentu ba projetu emerjénsia hamutuk 143 ne'ebé fahe iha tempu kampaiña 2007 kontinua hamosu konfuzaun.

Tempotimor (Dili) – Bankada CNRT iha Parlamentu Nasionál (PN) konsidera Orsamentu Jerál Estadu (OJE) 2019 nian, ne'ebé oitavu Governu ezekuta halo emprezáriu sira sai vítima.

"Ami haree husi parte seluk, emprezáriu sira mak sai vítima. Ida ne'e la'ós inventa. Maibé, ami rasik ko'alia ho ministru ne'ebé tutela. To'o ami oin buis ba malu, tanba de'it la tau importánsia ba ita nia emprezáriu sira," dehan deputadu CNRT, Domingos de Carvalho iha PN, Segunda (11/11/19).

Nia dehan, nu'udar reprezentante povu nia ko'alia ida ne'e tanba emprezáriu barak mak deve ema nia osan, ikus mai la konsege selu. Pasiénsia, ema hadau hotu saida mak emprezáriu sira iha.

Iha parte seluk, deputadu PLP Sabino Soares "Guntur" katak, osan barak iha tinan 2019 nian, ezekuta arbiru de'it.

"Osan sira gasta ne'e, la hatudu faktu ida. Maibé, derepente de'it osan ne'e ba iha ne'ebé ita lahatene," dehan Guntur.

Tempotimor (Dili) - Bankada Partidu Congresso Nacional Reconstrução Timor-Leste (CNRT) sei la halo esforsu atu forma governu foun, inklui halo movimentu hodi forma koligasaun foun.

Tempotimor (Dili)-Partidu Kmanek Haburas Unidade Nasional Timor Oan (KHUNTO) deklara governasaun daualu ne’ebé lidera husi Primeiru Ministru Taur Matan Ruak benefenisia de'it Partidu Libertasaun Popular (PLP) tanba okupa hotu kargu sira iha governu.

Page 1 of 11

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com