Items filtered by date: Tuesday, 20 July 2021

Tempotimor (Díli)-Vise Prezidente Parlamentu Nasionál (PN), Maria Angelina Lopes Sarmento hatete, Governu iha papel kria kondisaun ba joven sira iha rai laran.

“Maibé faze ida ita ukun rasik-an ita-nia oportunidade ba edukasaun barak, edukasaun formál edukasaun noon formál, no edukasaun informál,  barak tebetebes, bainhira ezije oportunidade ba jovens sira, espera jovens sira mós labele hein oportunidade maibé, joven sira mak tenke buka oportunidade, Governu no estadu ida ne'e ninia papel mak kria kondisaun, atu asegura katak, joventude sira nia nesidade ba formasaun sira iha kondisaun ba sira atu aprende”, dehan Maria iha Salaun S. José Katedral Dioseze Dili, tersa (20/07).

Tanba joven sira tenke  prontu kontribui ba dezafiu no Dezenvolvimentu Nasionál, tanba antes ne'e joven sira uluk luta ona ba kontribui ona ba Nasaun Timor-Leste nia Independénsia.

“Atu hatan ba influénsia ba dezafiu Globál ne'ebé mak iha, Juventude sira ohin loron tenke prontu atu hasoru dezafiu hirak ne'e, Juventude sira iha pasadu kontribui ona iha faze libertasaun da pátria iha komitmentu dedikadu nafatin kontribui ba libertasaun do povu maibé iha faze ida ukun rasik an ita iha dezafiu Globál ida ne'e”, dehan nia.

Liuhusi motivasaun sira ne'e joven barak  mak sakrifika sira-nia an hodi luta ba Timor nia independensia hodi Timor-Leste bele livre independente maibé depois de ukun rasik-an joven barak mak hasoru difikuldade iha dezenvolvimentu Nasionál.

Iha faze libertasaun Nasionál joven sira motivadu ho ita nia luta, joven sira ne'e hakarak hakotu kontente violasaun direitus umanus, no luta ba libertasaun nasionál atu Timor-Leste hamriik hanesan nasaun Independente ida ne'ebé pozisaun hanesan nasaun seluk hodi alkansa mehi di'ak ba nia povu sira.

Nune'e Prezidente Konsellu Nasionál Juventude no Desportu Timor Leste (CNJTL), Maria Dadi hatete, katak oras ne'e dadaun CNJTL prepara ona estratéjia intervensaun liuhusi konsellu nasionál Juventude nian.

"La'ós setór Sekretáriu estadu mak iha papel ba setór hotu hotu maibé liga ba edukasaun, ekonomia, liga empregu emorega abilidade, no liga ba pilar liman ne'ebé tau ona iha polítika nasionál Juventude ne'ebé mak estratéjia intervensaun tenke halo liliu ita forma ona konsellu nasionál Juventude ne'ebé ita postu iha ne'ebá, ita-nia sekretáriu mak reprezenta organizaun ida ne'e atu bá diskute iha ne'ebá, hodi diskute kle'an planu de asaun, liga ba Alvu Sia (9)”, informa nia.

Alvu ne'ebé CNJTL atu deskute kle'an mak, Juventude ho difisiénsia, Juventude ho agrikultura, Juventude feto ho mane iha área rural, Juventude moris iha risku nia laran, Juventude sira ne'ebé mak abilidade maibé la iha oportunidade atu espresa, situsaun sira ne'e mak importante hodi CNJTL toma responsabilidade. (*)

Tempotimor (Dili)-Traballadór timoroan hamutuk na'in-85, iha loron tersa (20/07) tinan 2021 ne'e, deside husik hela sira-nia família ba servisu iha estranjeiru.

Tempotimor (Dili)-Membru Komisaun Permanente iha Parlamentu Nasionál (PN) liuhusi realizasaun eleisaun, konsege hili Deputada Domingas dos Santos ba Sekeretária Meza Komisaun Permanente no Vise Sekretáriu mak Deputadu António de Sá Benevides.

Tempotimor (Dili)-Deputadu bankada FRETILIN Joaquim dos Santos hatete, Komisaun G ne’ebé trata asuntu edukasaun tenke tun ona ba baze atu fiskaliza lalais prosesu pagamentu ba subsídiu estudante universitáriu tanba to'o agora benifisiariu balun la hetan diretu.

Tempotimor (Díli)-Konsellu Nasionál Juventude no Desportu Timor Leste (CNJTL) husu atu Governu presiza integra orsamentu CNJTL iha Orsamentu Jerál Estadu (OJE).

Tempotimor (Dili)-Deputada Bankada Congresso Nacionál de Reconstrução de Timór (CNRT), Veneranda Lemos, konsidera meza Parlamentu Nasionál (PN) la respeita loron musulmanu nian kona-ba Idul Adha ne’ebé monu iha loron tersa (20/07).

Tempotimor (Díli)-Prezidente Repúblika, Francisco Guterres ‘Lú Olo’ hatete, fiar selebrasaun loron idul adha konunidade musulmanu iha Timor-Leste sei tane aas valór relijioza hodi fó liman ba malu haburas espiritu toleránsia.

Tempotimor (Dili)-Mate isin husi Samuel Samputra Noronha nian husi nasaun Korea Súl, Iha loron tersa (20/07), maizoumenus tuku 12:37 oras timor-leste (otl), to'o ona Aeroportu Internasional Nicolau Lobato, Komoro, Dili, Timor-Leste ho Aviaun Citilink.

Tempotimor (Likisá)-Ministru Asuntus Parlamentares no Komunikasaun Sosiál (MAPKomS), Francisco Martins Jeronimo husu ba komunidade sira atu kuida set top box (STB) hamutuk atutolu-ruanulu-resin-hitu (327) ne’ebé oferese gratuita ba uma-kain 327, iha Suku Maumeta, Postu Administrativa Bazartete, Munisípiu Likisá.

Tempotimor (Dili)-Organizasaun Sosiedade Sivíl husi Fundasaun Mahein (FM) husu ba autoridade Polísia Nasional Timor-Leste (PNTL) liliu Unidade Patrullamentu Fronteita (UPF) atu aperta seguransa fronteira  terestre, hodi evita atividade ilegál ina nasaun Repúblika Indonézia (RI) ho Timor-Leste (TL).