Items filtered by date: Friday, 02 April 2021

Tempotimor (Díli) - Estudante sira ne'ebe hala’i sai husi Dili iha loron Sexta (2/4) ba Munisípiu Ermera liu husi dalan Tikus (Laho), maibé Komandu Polísia Nasional Timor-Leste (PNTL) Munisípiu Ermera trava iha área Mota Hare, Postu Rai Lako no lori ba teste SWAB iha Postu Administrativu Gleno, sesta (02/04).

Estudante hamutuk ho komunidade balun ne’ebé ses-an husi Munisípiu Dili, bainhira rona desizaun governu hodi estende serka sanitária iha Kapitál nasaun.

Haree ba Konsellu Ministru ne’ebé aprova projetu Rezolusaun Governu sira ba manutensaun impozisaun serka sanitária no konfinamentu domisiliáru jerál populasaun nian iha munisípiu Dili to’o oras 23:59 loron 16 fulan-abríl tinan 2021 no iha Munisípiu Baukau no Vikeke to’o oras 23:59 loron 9 fulan-abríl tinan 2021.

Maske estudante sira ne’e foin lalais, governu no organizasaun Munisipal sira inklui mós asosiasaun balun fó ona ajuda hahán ba sira maibé loron sesta (02/04) maioria viola regra hodi hala’i liuhusi dalan tikus (ilegal), mak autoridade sira kaer iha Mota Hare, Postu Administrativu Rai Lako, Munisípiu Ermera hodi submete ba teste swab iha Gleno.

Tuir informasaun ne’ebé www.tempotimor.com asesu husi Vuce Ministru Interior, Antonio Armindo ne'ebe simu relatoriu badak husi Segundu Komandante Munisípiu Ermera Superintendente Assistante, Eduardo Campos hatete, sira simu Ermeraoan ne’ebé liuhusi dalan ilegal no parte saúde hala’o hela teste SWAB ba sira to'o kalan bo'ot.

“Ha’u hakarak relata de’it informasaun ba katak loron ohin parte Saúde Ermera ho PNTL Komandu Munisípiu Ermera iha Área Mota Hare, Postu Administrativu Rai Lako simu ema Ermeraoan sira maoria estudante husi Dili, liuhusi dalan tikus totál 500 pesoál resin no agora parte saúde halo ona Test Swap ba sira maibé seidauk hotu. Agora kontinua halo hela Swap ba sira”, informa nia.

Tanba ne’e, ekipa saúde Munisípiu Ermera kontinua halo atendimentu ba populasaun sira ne’ebé kontinua tama ba Ermera. No atendimentu teste swab kontinua halao to'o oras tuku 22:00 otl. Husi ne’e totál 232 ne’ebé hato uluk no iha tempu kalan tama tan 200 pesoál.

"Ekipa saude Ermera kontinua halo atendimentu ba populasaun ne'ebe kontinua tama mai Ermera," dehan pesoal saude ida iha fatin teste swab iha Gleno ne'ebe husu labele fo sai nia identidade.

Iha loron Sexta ekipa saude konsege halo teste ba ema hamutuk 232 no kontinua serbisu to'o kalan  hodi halo teste ba ema 200 seluk. (*)

Published in Ermera

Tempotimor (Covalima) - Komunidade uma-ka’in 20-resin iha uku Suailoro, Postu Administrativu Suai, Munisípiu Covalima labele tein hodi han no toba, tanba udan boot durante loron tolu hamosu inundasaun no bee nakonu iha uma laran.

Inundasaun ne’e la’ós foin akontese, maibé kada tinan sempre akontese, tanba barajen ne’ebé satan netik bee husi foho kiik, bainhira udan boot mak komunidade sira iha suku Suailoro sempre hela iha bee laran.

Representante komunidade aldeia mane-ikun, Imildo Nahak hatete, inundasaun ne’e akontese tanba udan loron tolu kalan rua la para, entaun bee sa’e no estraga sasan balun iha komundade sira nia leet, liu-liu komunidade Suailoro ne’ebé sempre sai vitima ba inundasaun.

"Ami tinan tinan, bainhira udan boot ami sempre vítima ba inundasaun, tanba bee sa’e, ne'ebé ami husu ba governu liliu ministériu relevante sira tenke tau atensaun sériu, hodi salva ami-nia vida, tanba bee tun maka'as husi parte foho. Se governu la hola inisiativa ka la taka bee dalan hod di’ak, mak bee sempre ataka ami bainhira udan boot”, dehan Imildo ba www.tempotimor.com iha Suialoro, Kinta (01/04).

Komunidade Lino de Jesus mós husu ba governu atu halo barajen boot, nune’e bele satan bee ne’ebé mai husi foho, atu labele estraga bei-beik komunidade nia uma.

"Ami husu governu tenke hadi’a mak valeta ho ponte ne'e, tanba ponte ne'e ki'ik, entaun bee tersumbat (intupidu) halo bee la tun husi ponte okos, entau ami mak iha aldeia mane-ikun parte estrada leten ne'e bee sa’e to’o uma kanotak, ne'ebé ohin dader bee sa’e maka'as lori hotu ha’u-nia sasán balun ne’ebé ha’u uza ba mebel ne’ebé loke”, dehan nia.

Xefe aldeia Mane-ikun, Santina de Jesus hatete, komunidade sira kuaze loron haat ona labele te’in hodi han, tanba bee nakonu hotu uma.

“To’o ohin halo ona loron haat mak komunidade liu uma-ka’in 20 mak sira labele te’in, tanba bee sa’e to ain tur”, dehan xefe aldeia ne’e.

Ho ida, autoridade relevantes presiza tau atensaun ba komunidade sira, tanba tempu udan, komunidade aldeia Mane-ikun sempre enfrenta inundasaun.

“Bainhira udan, suku Suailoro liliu aldeia Mane-ikun sempre enfrenta ba inundasaun, tanba ne’e husu governu bele karik mai halo valeta boot ida iha mota Tafara liliu área lokeu nian ne’ebé hola parte iha aldeia Mane-ikun, hodi nune'e labele akontese tan inundasaun iha tinan oin, se lae tinan-tinan mosu inundasaun husu mak ajuda ba nesesidade bázika, maibé uma ho buat seluk la ajuda, ne'ebé ha’u husu autoridade relevante sira atu ajuda aldeia mane ikun tenke halo valeta ida, nune'e tinan oin mai labele akontese ona”, afirma nia.

Entretantu observasaun www.tempotimor.com nian iha terenu nota, hafoin mosu inundasaun ne’e ekipa bombeiru, PNTL no autoridade lokál sira to’o kedan iha fatin hodi haree inklui foti kedan dadus ba uma-ka’in sira ne’ebé hetan afetadu husi inundasaun.

Nune’e komunidade ne’ebé hetan afeta husi inundasaun hamutuk 20-resin no aldeia Mane-ikun rasik totál uma-ka’in hamutuk 230 ne’ebé hola parte ba suku Suailoro, Postu Administrativu Suai, Munisípiu Covalima. (*)

Published in Covalima

Tempotimor (Dili)- Komandante Jerál Polísia Nasionál Timor-Leste (PNTL), Komisariu Faustino da Costa fó autorizasaun ba negosiante sira atu fa’an produtu iha fronteira Kapitál Dili ho Munisípiu sira seluk.

Published in Seguransa Defesa

Tempotimor (Díli) - Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo hatete, kazu pozitivu iha Munisípiu Díli to’o loron 2 fulan-abril 2021 kontinua aumenta, maibé iha mós rekooperadu.

Published in Saude

Tempotimor (Dili) - Komandante Jerál Polísia Nasional Timor-Leste (PNTL) Komisáriu Faustino da Costa orienta ona nia membru sira atu 'duni' fila populasaun sira ba hakmatek iha ida-idak nia fatin, bainhira laiha autorizasaun atu hala'o viájen ba kada munisípiu.

Published in Seguransa Defesa

Tempotimor (Dili) - Haree ba desizaun governu ne'ebé deside hodi aplika Serka Sanitária (SS) iha Kapitál Dili dadaun habiit metin estudante sira to’o hamlaha, tanba labele halo movimentu ba mai Munisípiu.

Published in Politika

Tempotimor (Dili) - Membru Polísia Nasionál Timor-Leste (PNTL), iha área Fatuahi, Suku Kamea, PostuAdministrativu Kristu Rei, Munisípiu Dili, kontinua mantein pozisaun trava komunidade sira ne’ebé ses-an husi Díli, halo viajen ba Munisípiu.

Published in Seguransa Defesa

Tempotimor (Dili) - Diretora Jerál Servisu Saúde, Ministériu Saúde, Odete da Silva Viegas hatete, preparaaun simu ai-moruk AstraZeneca sei to'o iha Timor-Leste, loron segunda (05/04) hamutuk rihun 24 dose.

Published in Politika

Tempotimor (Dili)- Iha sexta loron 02 fulan Abril tinan 2021, hahú kedas iha tuku 05:00 dadersaan, populasaun sira ne'ebé hela iha kapitál Dili, nadodon ba iha porta saida no entrada Manleu iha Metinaro, Mota ulun Komoro, no TasiTolu hodi 'ezíje' atu sai husi Dili fila ba sira nia munisipiu, maibé tuir observasaun too iha pontu entrada Tasitolu, membru Polísia Nasional Timor-Leste (PNTL), la fó sira liu no haruka fila.

Published in Seguransa Defesa

Tempotimor (Dili)- UNICEF iha Timor-Leste entrega fatin Cold Room ho Freezer Room hodi rai ai-moruk vasina AstraZeneca ne’ebé prepara ona iha Sames ba Ministeru Saúde (MS).

Published in Saude
Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter