Items filtered by date: Thursday, 29 August 2019

Tempotimor (Dili) - Povu Timor Leste simu loron 30 fulan agusto ho spandu hodi fo apoiu ba Witness K ho Bernard Collaery ne’ebe agora hasoru prosesu julgamentu laran iha tribunal Australia nian.

Governu Timor Leste liu husi PNTL fo sai ona ba publiku, sei la autoriza parte se de’it atu halo manifestasaun iha loron aniversariu tinan 20 Referendum ninian maibe parte PNTL ho Governu lakon kontrola iha tasi laran iha palasiu Governu nia oin. Nune'e duni spanduk mean bo'ot ida ho foto Bernard Collaery no hakerek liafuan iha lian Ingles "Our Solidarity with Bernard Collaery & Witness K, tara aan iha ro ida iha tasi laran Palasiu Governu ninian.

“Ami hasa’e spanduk ne’e iha ro leten iha tasi laran tan ba espasu ba atu ko’alia la iha rai maran,” dehan reprezentante ida husi Movimentu Kontra Okupasaun Tasi Timor (MKOTT) ba Tempo Timor.

Witness K ho ninia advogado Bernard Collaery maka ajuda fo sai informasaun relasiona ho espionazen liu husi monta ekipamentus eskutador iha Palasiu Governu Timor Leste durante de negosiasaun ba fahe reseitas husi kampu mina sira iha Tasi Timor. 

“Maun Bo’ot Xanana hatene no lider barak hatene katak Se la’os ho Witness K ho ninia advodago Bernard Colleary maka to’o ohin ita seida’uk konsege hasai lensa kamera espionazen Australia ninian husi gabinete Primeiru Ministru ninian,” reprezentante MKOTT ne'e esplika. 

Povu Timor Leste konsidera Witness K ho Bernard collaery hanesan eroi bo’ot ba luta Timor Leste ninian hodi hetan fronteira tasi ho Australia nune’e tuir orariu ohin (30/08) lokraik tuku 16:30 OTL parte Timor Leste ho Australia sei troka nota diplomatika iha Palasiu do Governu nia oin. 

“Ami konkorda ohin ita tenke asina duni nota ne’e maibe Ita keta haluha ita nia eroi bo’ot Witness K ho Bernard Collaery agora daudauk hetan hasoru hela situasaun difisil husi Governu Australia,” MKOTT dehan.

 

Published in Politika
 
Tempotimor (Díli) – Eis Prezidente RDTL, Ramos Horta hatete ponte BJ Habibie nu'udar vizaun no filozofia Xanana Gusmão nian.
Published in Politika
Friday, 30 August 2019 00:08

Ponte BJ Habibie, Pasu Dahuluk 

Tempotimor (Díli) – Ponte Bidau ne'ebé agora troka naran sai Ponte BJ Habibie, nu'udar onra ida ba eis Prezidente Indonézia, Baharudin Jusuf Habibie. Inklui mós nu'udar pasu dahuluk.  
Published in Politika
Page 1 of 2

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com