"Iha suku Bekora kona-ba simu tinan foun (2022), ha’u hanoin no fiar katak sei laiha problema, tanba ita servisu hamutuk hela ho OPS, KPK, nomós eskuadra PNTL kristu rei”, dehan Xefe Suku Bekora, António da Silva Soares, ba www.tempotimor.com iha kna’ar fatin, tersa (28/12).
Tanba, autoridade suku Bekora rasik liuhusi Enkontru ho delgadu no membru KPK servisu hamutuk ho OPS no eskuadra PNTL kristu rei, deside kaptura joven sira ne’ebé hemu tua iha dalan públiku hodi hatama ba sela detenasaun.
Dadauk autoridade suku Bekora rasik halo mós enkontru ona ho autoridade suku sira seluk, atu prepara-an hametin seguransa ba tinan foun 2022 nian. Nomos fó últimatu ba xefe aldeia sira hotu atu bandu joven sira labele halo problema no asaun iha sira-nia aldeia laran.
Maske foin lalais selebra loron natal, joven sira husi aldeia balun ba halo atake no asaun hasoru sira-nia maluk aldeia balun, maibé kazu ne'e to'o agora sira rezolve ona, inklui halo akordu iha postu Polísia ninian katak sira sei la halo tan problem iha futuru.
"Maibé karik ba oin mak sira halo tan problema mak sira prontu atu hatan tuir lei ne’ebé iha”, dehan nia. (*)