Login to your account

Username *
Password *
Remember Me

Inundasaun Mosu Tan iha Tasitolu, Komunidade Hakilar Governu Labele Toba Dukur 

Komunidade kuru sai hela bee ne’ebé tama iha sira-nia uma laran, kuarta (08/12). Komunidade kuru sai hela bee ne’ebé tama iha sira-nia uma laran, kuarta (08/12). Foto Tempo Timor

Tempotimor (Dili)-Hafoin udan boot kuaze oras rua nia laran (08/12/2021), inundasaun mosu tan iha munisípiu Dili, Postu Administrativu Don Alexo, Suku Madohi, Aldea Terrasanta (Tasitolu).

Tanba ne’e, komunidade hakilar Governu la bele toba dukur demais, maibé buka dalan oinsá bele rezolve bee dalan, tanba tinan ba tinan komunidade moris de'it iha bee leten.

"Ami husu ba Governu no boot sira keta toba dukur demais, oinsá mak bele tau matan ba bee dalan ida ne'e, tanba bee dalan ida ne'e tun husi Kampung Baru, Kampung merdeka, Gruta rai hun, tun mai husi Tasitolu barrajen ida de'it mak simu, oinsá mak nia bele akumula bee ne'e hotu", dehan vítima inundasaun, Tomas João Felisberto de Deus, iha Kuarentena Tasitolu, kuarta (08/12).

Akontesimentu inundasaun ba komunidade iha kuarentena Tasitolu dadaun ne’e ba dala tolu ona, sempre  estraga sasán, maibé  to’o agora Governu rasik seidauk rezolve.

"Ami sei la hanoin atu fila ba munisípiu tanba ami durante tama iha ne'e tinan 2007, ami nunka sente bee nakonu hanesan ne'e,  foin akontese Governu ida liuba, estadu kee bee dalan kintu kantu iha kampung baru laran", esplika nia.

Nune'e, Governu presiza haree nia povu, tanba liuhusi povu mak boot sira tur iha ne’eba, entaun boot sira presiza haree povu oinsá mak bele tau matan ba populasaun nia kondisaun liu hanesan bee-dalan.

"La'ós ita mai iha ne'e, ita la ba ita-nia moris fatin, moris fatin ne'e ita tenke ba, maibé ita-nia kabun obriga, ita tenke mai sidade", afirma nia.

Xefe suku Madohi, Bernadino de Cristo Ferreira 'Teki Timur' hatete, antes ne'e nia rasik hato'o beibeik ona ba Governu maibé to'o agora seidauk rezolve no agora inundasaun hanesan ne'e impaktu boot tan ona.

"Ha'u-nia haree Governu goblok, ministru goblok, diretur Jerál goblok, Sekretáriu Estadu goblok, tanba saida mak ita ko'alia hanesan ne'e, tuir lolos ita ukun na’in ne'e sentimentu, ita ukun ho sentimentu se dehan katak ita ukun-an ba objetivu ida klaru, sasán sira kiikoan hela la tuir orsamentu tinan-tinan aprova ne'e, oituan de'it atu hadi’a mós susar fali ne'e, ha'u la komprende, ne'ebé públiku sira ko'alia ne'e, sira ne'e hanesan karau kulit tiha on karik", dehan Xefe Suku  Bernardo ba www.tempotimor.com liuhuis telefone, kuarta (08/12).

Tuir lolos ne'e Governu loke tiha bee ne'e para, la bele produz sofrementu ba povu, tanba agora inundasaun hanesan ne'e impaktu boot tan ona ba povu nia moris.

"Tanba saida mak bee oituan ne'e, la bele halo, estrada ne'e estrada públiku, estrada ne'ebé importansia, mais oituan de'it ne'e, sira la tau antesaun ne'e, sira-nia hakarak ne'e saida?", hatete Xefe Suku ho emosaun.

Antes ne’e, iha loron 4 abril liuba mosu inundasaun boot ne’ebé afeta maka’as komunidade iha Munisípiu Dili, Manatutu no Munisípiu sira seluk halo komunidade balu lakon sasán no balu lakon vida.(*)

Rate this item
(1 Vote)
Last modified on Wednesday, 08 December 2021 20:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter