Koordenadór Vítima Refuziadu Rate-Ain no Manleuana, Carlito Exposto Sarmento hatete, ho udan maka’as ne’ebé akontese, Ministru Administrasaun Estatal (MAE) hamutuk ho ekipa konsege tun direta  ho bombeiru mai iha fatin refugiadi hodi muda vítima na'in-6 ba hela koos.

"Kuaze horiseik (13/11) udan ne'e maka’as los, entaun horikalan husi Ministru estatal rasik, tun ho bombeiru kedas, muda família (keluarga) sia mak tama ba koos”, dehan nia iha fatin refuziadu Kampu Real Manleuana, domingu (14/11).

Maske, Ministru Administrasaun Estatal hamutuk ho Autoridade Munisípiu Dili, konsege muda vítima balun ba hela iha koos, maibé buat ne’ebé vitima sira dúvida  mak kooperasaun Sekretáriu Estadu Protesaun Sivíl no Ministériu Administrasaun Estatal.

Tanba atu garante vítima sira ba hela koos ne'e presiza iha liña koordenasaun ne'ebe di'ak.

"Tanba saida mak husi protesaun sivíl dehan labele muda maibé husi ministru estatal dehan tenke muda ami ba koos seguru balun, hodi hein prosesu husi Governu nian”, hatete nia. (*)