“Reabilitasaun jardín ida ne'e, nia totál orsamentu ne'e aprovizionamentu mak hatene. Maibé, ami halo estimasaun mak $95.000-itál," Julio informa ba jornalista iha jardín Farol, Kuarta (28/08/19).
Nia dehan, reabilitasaun jardín ne'e la'ós emerjensia hodi responde ba festa Konsulta Populár, maibé projetu ne'e planeadu ona husi MTKI.
"Projetu reabilitasaun jardin ne'e la'ós emerjensia hodi hatan ba festa Konsulta Popular nian. Maibé, ne'e planeadu tiha ona husi ministeriu nia atividade rutinamente. Tanba ne'e projetu ne'e kontinua la'o karik, to'o ona festa Konsulta Populár seidauk remata, mos ami kontinua la'o nafatin," nia dehan
Entretantu, responsavel kompañia Algis Engineering Construction Unipessoál, Lda Jaulino da Cruz dehan obra ba reabilitasaun jardín ne'e nia durasaun mak durante fulan tolu nia laran.
"Obra ne'e ami sei servisu durante fulan tolu nia laran. Ami servisu hahu husi loron 7 Agostu 2019 no sei remata iha fulan Outubru," dehan Jaulino