"Oinsá mak ami-nia parte halo sensibilizasaun ba sira katak trotoál ne'e passeiu ba ema la'o no estrada karreta mak bele la'o atu labele hamosu engarrafamentu. Ha'u hanoin ami presiza halo mak sensibilizasaun mais atu duni agora ha'u hanoin ita hotu sei Estadu de Emerjénsia (EE) ita la hatene loos atu duni ne'e duni ba ne'ebé?”,  dehan Guilhermina hafoin enkontru ho Primeiru Ministru (PM), Taur Matan Ruak, iha nia rezidénsia Faról, sesta (08/10).

Maibé pesoál seguransa (Saneamentu) atu duni ka hasai sira bainhira vendedór fa'an sasán iha trotoál leten maibé bainhira hasai Governu mak tenke fó hán ba komunidade sira.

"Sira mak buka rasik hodi fó hán ba família entaun husi lai ba sira fa'an maibé la'ós livremente hodi fa'an maibé presiza sensibiliza ba ema atu la'o no estrada ne'e ba karreta sira atu la'o”, afirma nia.

Nune'e Saneamentu no Polísia Nasionál Timor-Leste (PNTL) sei halo sensibilizasaun ba komunidade no vendedór sira fa'an sasán iha iha trotoál nia leten bainhira sei aplika Estadu Emerjénsia (EE).

Bainhira Covid-19 ataka iha Timor-Leste sidadaun no vendedór barak mak lakon sira-nia sasán no lakon rendimentu iha tempu tanba aplika Konfinamentu Obrigatóriu (KO) no Serka Sanitária (SS).

Maibé la'ós livremente ba sidadaun fa'an vontade, kuandu mosu normalidade sie hasai molok prepara fatin ba vendedór sira.

"Ha'u lakohi ko'alia liberdade, maibé ita presiza tau orden maibé tau orden halo nusá?. Mais saida mak halo provizoriamente mantein maibé presiza halo sensibilizasaun ba sira”, hatete nia. (*)