MAE Adia Tomada Posse ba PAM Foun Dili

Ministru Administrasun Estatal (MAE), Miguel de Carvalho. Ministru Administrasun Estatal (MAE), Miguel de Carvalho. Foto Suplay

Tempotimor (Díli)-Ministru Administrasun Estatal (MAE), Miguel de Carvalho informa, sira deside adia loron tomada posse ba Prezidente Autoridade Munisípiu (PAM) foun Dili, Guilerminha Filomena Saldanha, ba loron seluk tanba, Governu aplika hela Konfinamentu Domisialiáriu Jerál (Lockdown) iha Munisípiu Dili.

"Planu tomada de posse ba Prezidente Autoridade Munisípiu Dili mak iha loron 3 fulan-Setembru, ohin, Soke komu Konfinamentu Domisialiáriu entaun tenke adia tanba ne'e bandu ema hotu labele halo atividade nune'e ita mós labele halo atividade liu ema na'in-10", dehan Ministru Miguel iha Ministru Finansas, Aitarak Laran, sesta (03/09).

Nune'e iha tempu aplika konfinamentu obrugatóriu, Governu labele halo servisu ne'ebé la prudente tanba Governu rasik mak aplika regra ba sidadaun sira nune'e Governu labele halo atividade ne'ebé la importante.

"Kuandu Konfimantu Domisialiáriu kuandu laiha ona mak ita foin bele realiza tomada de posse", esplika nia.

Maske tomada posse Adia, maibé la fó impaktu ba atividade prezidente Autoridade Munisípiu nian tanba Prezidente anterior sei funsiona hela nu'udar prezidente Autoridade Munisípiu interinu.

Nune'e iha loron 28 fulan-jullu tinan 2021, Governu aprova projetu rezolusaun ida hodi nomeia Guilhermina Filomena Saldanha atu asume kargu Prezidente Autoridade Munisipál Dili hodi troka, Gaspar Soares ba mandatu tinan lima, hahú husi data simu pose nian. (*)

Rate this item
(0 votes)
Last modified on Friday, 03 September 2021 16:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter