Komunidade Mota Ulun, Jose da Costa hatete, dadauk sira la asesu ba bee-mos tanba kanu ne’ebé liga ba sira-nia área hetan estragu husi mota.
"Sim inundasaun ne'ebé akontese kuaze iha Kapitál Díli, halo ami-nia bee-mos maran totál, tanba kanu bee nian mota boot estraga hotu. Tanba ne'e ami husu governu tenke toma responsabilidade hodi hadi’a, aleinde tau matan mós ba aldeia sira ne’ebé enfrenta problema ida ne'e”, dehan nia iha Aldeia Mota ulun Suku Bekora, segunda (26/04).
Kanu bee-mos ne'ebé hetan estragu iha aldeia mota ulun iha loron 4 fulan-abril, to'o agora parte governu seidauk tun ba hadia.
Fatin hanesan Komunidade, Anes da Silva Monteiro informa, ho bee ne’ebé hetan estragu mak parseiru internasionál balun iha Díli konsege fó ona apoiu fasilidade hanesan profil rua, no mákina (filtru) kona-ba tais bee nian.
Ho fasilidade ida ne'e, atu fasilita komunidade sira, bele supa bee husi mota depois tais no halibur iha profil laran, hafoin bele utiliza ba nesesidade loroloron.(*)