Apoiu ne’ebé família vítima sira husu atubele fasilita rekursu material hodi rekontrui fali sira-nia hela fatin ho urjente.
Koordenadór no atuál delegadu ba aldeia Carumbulau, Armando Coreia da Silva husu governu fó apoiu rekurusu emerjénsia ba vítima sira. Tanba, uma kain hamutuk 30 mak hetan grave totál hodi evakua mai iha kapelaun metiaut.
"Ami-nia preokupasaun mak liuliu ba sasán konstrusaun ninia, karik bele governu aselera mak ida ne'e, para vítima sira mós bele muda ba ne'ebe, ne'e konforme sira, ida ne'e mak ha’u hakarak rekomenda”, informa nia ba www.tempotimor.com iha kapelaun Santa Margarida Maria Alacoque iha suku metiaut-Kristu-Rei, sábadu (24/04).
Autoridade lokál mós dadauk finaliza ona prosesu levantamentu dadus no entrega ona ba governu atu aselera oinsá mak beke fó apoiu.
Fatin hanesan Responsabilidade Grupu Solidaridade Orácio Mendes husu governu presiza duni apoiu ne’ebé urjensia nune'e komunidade sira bele livre hodi hala'o sira-nia servisu nomós atividade negosiu buka osan.
"Ha’u hanoin governu iha ona dadus no informasaun kompletu, se bele asaun mak tenke lalais tanba ita-nia maluk sira hela iha fatin ne'e, di’ak liu fó apoiu oituan para sira bele buka servisu”, dehan nia.(*)