Komunidade Afetadu iha Lemorana Seidauk Hetan Apoiu Umanitária

aldeia Lemorana, Suku Marka ne'ebe husik hela husi Inundasaun iha Dare, Postu admistrativu Vera Cruz, Sexta (9/4) aldeia Lemorana, Suku Marka ne'ebe husik hela husi Inundasaun iha Dare, Postu admistrativu Vera Cruz, Sexta (9/4) Foto Suplai

Tempotimor (Dili) - Dezastre naturál ne’ebé hamosu inundasaun iha kapitál Díli halo komunidade aldeia Lemorana, Suku Dare, Postu admistrativu Vera Cruz to’o agora seidauk hetan apoiu umanitária ruma.

Inundasaun ne’e, iha mós komunidade ida ne’ebé lakon vida. Populasaun Lemorana mós labele fila ba hela-fatin no sei hela iha fatin refuziadu.

Portavoz komunidade, Paulino de Araujo hatete, situasaun ne'e kria inserteza partikulamente ba uma kain 10 ne’ebé mota lori no sasán, uma kain 53 mak estraga inklui nesesidade baziku.

"Lolos Governu tenke ajuda nesesidade báziku, material ruma ba uma kain hirak ne’ebé estragu atubele hela provizória, maibé to’o agora komunidade afetadu Lemorana seidauk hetan apoiu ruma”, dehan Paulino liuhusi komunikadu imprensa ne’ebé www.tempotimor.com asesu, sesta (09/04).

Dezenvolvimentu ne’ebé lori ema barak hela iha sidade ninin, no taka dalan ba ema barak nia moris di’ak.

"Susar liután, komunidade sira iha Aldei terus Na’in, Lemorana, iha Bairo Ailok laran, Tua Nalaran no matadoru kontinua suspira bee-moos, no konsumu de’it bee mota tanba kanalizasaun iha mota ulun kotu”, deklara nia.

Nune'e, populasaun Lemorana husu ajuda ba grupu solidáriu, liuliu governu atu fornese apoiu material hela-fatin temporáriu nian.

Alende ne'e, Paulino husu mós ba Ministériu Obras Públika (MOP) atu normaliza mota iha Aldeia Lemorana ho lalais, nune’e mota labele kontinua lori komunidade sira-nia uma.

"Ami mós husu atu grupu solidariu ne’ebé mak bele fó apoiu urjensia ba bee-mos. Se lae, komunidade iha ne’e bele enfrenta moras oioin liután, hanesan kabun moras, moras respiratoriu”, dehan nia.

Maibé, husu ba Bee Timor-Leste,ep atu fornese bee-mos ba komunidade sira iha Lemorana, Bairu Terus na’in, Ailok laran no Matadoru.

Lemorana mós rekomenda ba Igreja atu oferese spasu rai ba komunidade hirak ne’ebe mak uma mota lori, atu sira bele hari’i uma provizória hodi hela.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter