Xanana Apoiu Nesesidade Báziku ba Vítima Inundasaun Tasitolu

Prezidente CNRT fahe ai han ba labarik vitima inundasaun Tasi Tolu, Sexta (9/4) Prezidente CNRT fahe ai han ba labarik vitima inundasaun Tasi Tolu, Sexta (9/4) Foto Tempo Timor

Tempotimor (Dili) - Líder Nasional au mezmu tempu hanesan Prezidente partidu Kongresu Nasional Rekonstrusaun Timorense (CNRT Sigla portuges) Kay Rala Xanana Gusmăo, fó apoiu ai-han báziku ba vítima inundasaun sira iha área Tasitolu, Aldeia 12 Outubru, Suku Komoro, Postu administrativu Dom Aleixo, Munisípiu Dili.

Ai-han báziku sira ne'e kompostu husi, fós, supermie, roupa, kolxaun ne'ebé transporta iha kamioneta hamutuk haat hodi halo distribuisaun ba vítima sira ne'ebé afetadu ba inundasaun iha Lagoa 1, Tasitolu.

Koordenadór Posku Bee-Leten iha área Joăo Paulo II-Tasitolu, Joanico Sebastiăo da Costa informa, totál vitíma ba inundasaun hamutuk uma-kain 47 ho membru komunidade hamutuk 227, labarik 34, inan-isin-rua iha na'in tolu.

Hafoin akontese inundasaun, iha komunidade balu mak simu ona apoiu báziku husi ekipa voluntáriu sira, inklui líder nasionál Kay Rala Xanana rasik ne'ebé tulun ona sira hodi hakmaan sira-nia susar iha tempu balu.

"Husi grupu voluntáriu sira ajuda ona, maibé parte estadu to'o oras ne'e seidauk. Maibé, husu liuliu ba governu atu apoiu lona, tanba ami-nia sasán uma-laran hotu la salva”, dehan nia iha Aldeia 12 Outubru, Suku komoro, Postu administrativu Dom Aleixo, Munisípiu Dili, sesta (09/04).

Agradese mós ba apoiu báziku sira ne'ebé tulun husi líder karismátiku Kay Rala Xanan nian, tanba bele sustenta netik moris ba tempu balu nia laran.

Maske nune'e, tuir nia apoiu hirak ne'e ba sira, seidauk natoon, tanba durante akontese inundasaun, sira-nia uma-laran, sasán barak mak estragu totál.

Tuir observasaun www.tempotimor.com iha terrenu nota, molok Xanana fila husi vítima inundasaun sira iha lagoa 1, iha dalan, grupu husi komunidade inklui labarik sira trava Xanana iha estrada klaran, kaer ho brosxura ho kuadru ne'ebé hakerek ho liafuan "ami presiza ajuda".

Hafoin trava, líder nasionál ne'e mós tun husi nia karreta laran ba hakuak labarik no foinsa'e sira hodi rona no haree direta sira-nia preukupasaun.(*)

Rate this item
(0 votes)
Last modified on Friday, 09 April 2021 19:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter