Mota Maloa Sobu Morru EBF Manleuana, Kost 5 Estragu Totál

Taho ne'ebe nakonu iha resinto eskola nian, Segunda (5/4) Taho ne'ebe nakonu iha resinto eskola nian, Segunda (5/4) Foto tempo Timor

Tempotimor (Dili)- Relasiona ho udan boot ne'ebé akontese iha sabádu 03 fulan-abríl 2021, maizumenus tuku 10:23 kalan ate Domingo dadersan (4/4), rezulta mota Maloa tun ho nia korente ne'ebé boot hodi sobu morru Eskola Bázika Fillial Manleuana monu, inklui kost lima hetan estragu totál, iha Aldeia Mauk, Suku Manleuana, Postu Administrativu Dom Aleixu, Munisípiu Dili.

José da Silva, nu'udár komunidade ne'ebé hela besik iha área ne'e informa, durante udan tau kalan ne'e, sira la toba, maibé hadeer de'it to'o tuku tolu liu ona mak sira rona de'it bee somu morru eskola ne'e monu tarutu.

"Bee sobu morru ne'e kala iha jam-tiga liu ona, no ami mós la toba, hadeer to'o loron de'it”, hatete José ba www.tempotimor.com iha Manleuana, segunda (05/04).

Nune’e, Domingas Rodriguês nu'udár estudante husi UNTL hamutuk ho nia alin mane ida ne'ebé aluga uma (kost) besik eskola EBF ne'e hatutan, bainhira akontese udan boot, nia sei estuda to'o tuku rua madrugada liu mak foin deskansa.

 

Info : ema hahu hamos foer no tahu iha Kost ne'ebe sobu husi inundasaun iha Domingo (4/4) besik mota Maloa, Dili, Segunda (5/4)       Foto Tempo Timor

Maibé hafoin iha tuku 4:18 dadersan, hakfodak mai sira-nia kuartu laran nakonu ona ho bee hodi estraga totál sira-nia dokumentu eskola nian, hanesan kópia matéria sira ho leptop ida ne'ebé uza durante estudu, aat hotu.

"Ami hadeer iha tuku 4:18 ona, sasán uma-laran no eskola nian la salva, depois mota tun boot, sai ladi'ak, ami hakilar husu ajuda fali ba viziñu sira sorin mak hodi soe tama paralon mai ami kaer mak hodi sai husi ne'e”, dehan estudante ne'e ho triste.

Kona-ba morru eskola ne'ebé bee sobu, sira rasik la sente no lahatene, tanba sente trauma hodi okupa ho salva ida-idak nia-an, oinsá mak bele sai husi kost laran.

Tuir observasaun www.tempotimor.com iha terrenu nota katak, ho korente mota Maloa ne'ebé boot, rezulta bee tama to'o sala laran sira nakonu ho tahu, inklui kost ne'ebé estudante sira aluga, laran nakonu ho tahu, estraga mós fós ne'ebé sira uza hodi konsumu loroloron, aat hotu, nune'e mós iha kuartu ida mak besik atu tohar, inklui dapur bee lori halai tama to'o arredóre eskola bázika fillial Manleuana nian.(*)

Rate this item
(0 votes)
Last modified on Monday, 05 April 2021 17:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter