Ho dezastre naturál ne’ebé mosu iha loron domingu (04/04) fó impaktu maka'as ba povu Timor-Leste hodi hamate ema , ema rihun maka sai refujiadu no halo estragu barak inklui, tanba inundasaun no erosaun iha Timor laran.

Estrada diresaun Fatuahi Dili iha ona indisiu maka’as atu trava movimentu transporte públiku sira atu ba Munisípiu seluk, tanba estrada ne'e rasik hahù nakfera no halai sa'e malu, nomós rai iha estrada okos hahù mamar no monu.

"Husu governu presiza koordena rekursu ne’ebé iha hodi fahe ba fatin afetadu sira no halo manutensaun ba estrada sira inklui estrada diresaun ne'e nian. Estrada ida ne'e presiza atensaun urjente mas se la'e mak sei kotu iha tempu badak”, dehan Agusto da costa komunidade ida ba www.tempotimor.com iha Fatuahi, segunda (05/04).

La'ós ne'e de'it, maibé mós halo rai mamar iha foho leten konsege monu hodi taka estrada ninin, inklui taka valeta kuak, sira ne'ebe sei trava totál bee labele salin tuir.

Husi natureza hirak ne'e, mak sei impede viajen ema nia no transporte públiku diresaun Díli, Baukau Lospalos, inklui Vikeke, tanba nesesidade la augenta atu fasilita movimentasaun hirak ne'e. (*)