Login to your account

Username *
Password *
Remember Me

Udan Boot Muda Dili Sai Sidade Natar

Dili iha inundasaun, Domingo (4/4) Dili iha inundasaun, Domingo (4/4) Foto Suplai

Tempotimor (Dili) - Udan Boot ne'ebé akontese durante loron rua komesa husi loron sábadu to'o domingu (03 to'o 04/04), konsege muda sidade Dili nakfilak fali ba fatin agrikutór nian ne'ebe konsidera hanesansidade natar, tanba inundasaun kuaze iha Kapitál tomak.

Mesmu, prezensa husi natureza ne'e,liuhusi governu anterior to'o mai governu atual konsege halo ona esforsu oioin, hanesan monta drainajen iha área Delta, Komoro, Maloa, Maufelo, inklui Terminal Bekora, atu-
bele satan netik mota inklui ponte atu ema hakur ba mai, maibé esforsu hirak ne'e hela ho triste, no la konsege atu responde, nesesidade bainhira forsa natureza ne'ebe dadaun ne'e akontese.

Pior liután, mota hirak ne’ebé ejiste iha Kapitál nasaun nian desde uluk to'o agora, hahú fó ona ameasa hodi salin sa’e bee ba estrada leten, hodi hamosu inundasaun iha fatifatin no fó perigu ba komunidade sira nesesidade bázika inklui uma.

Komunidade Aldeia Audian Blok III, Pascoela da Silva haktuir, reasaun husi udan boot iha loron rua nian laran, to'o ohin dader madrugada konsege lori inundasaun ba hoban sira-nia uma.

"Ami-nia uma agora namonu de'it ho udan been, ami agora aat los”, dehan nia ba www.tempotimor.com iha Audian Blok III Suku Santa Crus, Postu Administrativu Vera Crus, Munisipiu Dili, domingu, (04/04).

Iha mosu Komunidade Lorensa da Silva ne'ebe hato'o katak, iha área parténsia Hera nian, dadaun sira-nia uma mós akontese inundasun maka’as no labele halo buat ida.

"Iha ami-nia Hera, mós agora mosu inundasaun, bee sa’e to'o ami-nian uma laran”, informa nia.

Enkuantu observasaun www.tempotimor.com iha terenu nota katak, komunidade iha Kapital Nasaun hahú husi Rai Kotuk, mai Fatuhada, merkadu komoro, Hudilaran ba Delta, inklui komunidade ne’ebé hela besik mota Maloa, to'o Audian, kuaze la sai husi uma iha loron domingu (04/04) dader, tanba difikukta husi inundasaun ne’ebé balun sa’e kuaze 30 sentimetru no iha balun bee sa’e to’o metru ida.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter