Tuir observasaun www.tempotimor.com nian iha terenu nota katak, dadaun iha área Kampun-Alor bee merak mak nakonu, tanba udan boot, nune'e tama iha armajen SAMES nian ne'ebé rai ai-moruk.
Bee nakonu iha armajen SAMES nian, tanba mota tun husi rai-hun ailok-laran nian mai resin tiha mota, entaun konsege tama komúnidade nia uma, inklui armajen SAMES nian.
Diretór Ezekutivu Servisu Autonomu Medikamentu no Ekipamentu saúde (SAMES), Santana Martins hatete, nia parte dadaun iha hela terenu hodi halo salvasaun ba situasaun ne'e iha armajen SAMES.
"Ha'u agora iha bee laran hela, sasán Covid-19 nian ne'e laiha problema, udan para mak ita-boot sira mai intervista”, dehan nia ba www.tempotimor.com iuhusi telemóvel, domingu (04/04).
Iha situasaun ne'e, susar tebes atu hasai ai-moruk ba fali fatin seguru, tanba iha kapitál Dili, kuaze bee mak nakonu no laiha espasu atubele lori sai aí-moruk. (*)