Ho akontesimentu ne'e komandu PNTL Munisípiu Dili hamutuk ho unidade polísia sira seluk halo operasaun alarga hodi kaptura mós joven sira balun.

"Purtantu, ho insidente ida ne'e komandu PNTL Munisípiu Dili alarga ninia operasaun preventiva hodi foti mós joventude ne'ebé mak kuaze na'in-8 mak ita halo hela identifikasaun”, dehan Euclides iha Kaikoli, kuarta (24/03).

Iha prosesu kapturasaun ne'e, PNTL identifika joven balu iha indikasaun lori sasán kro'at, maibé tipu sasán kro'at ne'e dadauk ne'e sei iha hela prosesu, no sei halo mós identifikasaun ba joventude sira ne'e.

"Espera katak, identifikasaun ne'ebé ita halo ne'e bele kontribui atu iha prevensaun di'ak liután ba tipu estabilidade iha Kapitál Dili”, dehan nia.

Iha ne'e rezulta vítima hamutuk jovem na’in-tolu, no oras ne'e hala'o hela tratamentu saúde iha Ospitál hodi halo operasaun ba nia kanek.

Tanba ne'e, nia fiar katak vitima sira ne'ebé hetan, sei koolabora ho polísia atu hato'o mós keixa formal hodi hasoru suspeitu sira ne'ebé mak komete krime hasoru nia.

"Iha imajen sira ne'ebé ita iha ne'e, ida kanek iha nia liman, ida kanek iha nia tilun, ida kanek iha ninia kotuk, maibé ida kanek iha liman ne'e konfirmadu tiha ona, sira seluk ne'e depois oras ida seksaun investigasaun Komoro nian relara formalmente mai komandu PNTL Munisípiu Dili, liuliu ita hein rezultadu investigasaun ne’ebé mak ita-nia ekipa investigasaun sira rekolla, depois ami beke fó sai ba mídia”, dehan nia.

Bainhira prosesu investigasaun hotu ona, sira sei halo relatóriu prosesual hodi kanaliza ba ministériu públiku.(*)