Koordenasaun Ladi’ak Komunidade Lurumata Tuda Pesoál Saúde Evakua Suspeitu Covid-19

Komandante PNTL Dili, Superentedente Xefe Henrique da Costa ko'alia ba Jornalista sira foin lalais ne'e, iha Dili Komandante PNTL Dili, Superentedente Xefe Henrique da Costa ko'alia ba Jornalista sira foin lalais ne'e, iha Dili Foto Arkivu

Tempotimor (Dili) - Komandante Pólisia Nasionál Timor-Leste liuhusi Komandu Munisípiu Dili (PNTL-KMD), Superintendente Xefe, Henrique da Costa hatete, ekipa Saúde tenke koopera ho PNTL, tanba kooperasaun ne’ebé ladi’ak komunidade iha área Lurumta, Suku Fatuhada tuda ekipa saúde bainhira evakua suspeitu covid-19, domingu (14/03).

"Ita mós husu parte saúde ninian, bainhira sira sente ameasadu ba halo servisu, sira tenke komunika mai parte PNTL antes atu nune'e ita haruka ekipa akonpanã, la’ó dehan sira ba tiha pois hetan problema mak komunika fali mai ita, ne'e koordenasaun ladun di’ak pois ita hakarak atu nune'e ita evita problema duke iha tiha problema mak ita responde”, dehan Henrique iha nia kna’ar fatin Kaikoli Dili, segunda (15/03).

Bainhira iha komunikasaun entre Saúde ho PNTL parte rua iha ona kooperasaun di’ak atu evita problema antes, tanba akontesimentu iha loron domingu (14/03) iha Lurumata ne'ebé laiha koordenasaun pois hetan problema hafoin komunika ba PNTL hodi ba atua situasaun.

Tanba, komunidade balun tuda hasoru ambulansia no ekipa saúde sira ne'ebé atu halo evakuasaun ba suspeitu covid-19 ida iha área Luromata, Fatuhada Dili ne'ebé mak PNTL konsege atua maibé lakonsege kaptura autór sira.

"Ita haruka kedan parte patrulla Dom Aleixo ba no hetan mós apoiu husi parte unidade espesial polísia ninian i konsege disversa ba ema hirak ne'e halai lakon hotu. Ita lakonsege kaptura ema ida, maibé karreta ambulansia hetan tuda iha parte body la rezulta aat ka vidru ruma rahun laiha”, informa nia. dehan nia.

Maibé husu atu komunidade sira koopera ho Saúde bainhira iha evakuasaun hasoru suspeitu covid-19 iha fatin ne'ebé identifikasaun labele mosu problema.

PNTL rasik nafatin kontinua buka tuir autór sira ne'ebé mak tuda ambulansia bainhira halo evakuasaun hasoru suspeitu covid-19.

Iha domingu maizumenusoras 21:00 OTL (14/03), akontesementu tuda ambulansia husi komunidade balun iha Area Lurumata Fatuhada Dili bainhira ekipa saúde halo evakuasaun ba suspeitu pozitivu Covid-19.

Antes ne'e mós atu hanesan mosu iha área Kaikoli Dili iha loron hirak liuba no PNTL to’o iha fatin akontesementu autór sira halai lakon. (*)

Rate this item
(0 votes)
Last modified on Monday, 15 March 2021 12:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter