Login to your account

Username *
Password *
Remember Me

Sela Detensaun La Permite, PNTL Fó Ultimatu Bá Komúnidade 233

Komúnidade sira ne'ebé Polísia Nasionál Timor-Leste (PNTL) liu-husi Komandu Munisípiu Dili kaptura, tanba dezobedese ba regras serka sánitaria, domingu (14/03/21) Komúnidade sira ne'ebé Polísia Nasionál Timor-Leste (PNTL) liu-husi Komandu Munisípiu Dili kaptura, tanba dezobedese ba regras serka sánitaria, domingu (14/03/21) Foto Suplai

Tempotimor (Dili)- Polísia Nasionál Timor-Leste (PNTL) liuhusi Komandu Munisípiu Dili fó ultimatu bá komúnidade na'in-233 ne'ebé dezobedese ba regra serka sánitaria hodi halo atividade iha fatin publiku, tanba fatin sela detensaun la permite nune'e autoridade sira husik sira fila ba sira ida-idak nia hela fatin.

Segundu Komadante PNTL Munisípiu Dili, Superientende polísia, Euclides Belo hatete, liberta sira na'in-233, maibé husu komúnidade labele repete tán hahalok ne'ebé la kumpri regra serka sánitaria.

"Ohin ita halo identifikasaun bá sira tanba, ita haree katak, 233 ne'e, ita-nia detensaun Dili ne'e, la permite, tanba, sira na'in-21 iha ona, entaun ita aplika de'it, identifikasaun bá sira para depois fila bá uma, mais labele repete tán hodi bá halo ezersisiu iha fatin públiku sira”, dehan nia iha kna'ar fatin kaikoli, domingu (14/03).

Fatin públiku sira ne'ebé komúnidade labele halo movimentu bá mak hanesan, Tasi ibun, João Paul II, Kristu Rei, Largo Lesidere, Jardin BJ Habibie, kampu desportu sira iha área Dili no fatin atividade desportu ne'e proevídu.

Hala'o atividade desportu iha uma bele, maibé iha fatin públiku labele, movimentu bá fatin públiku, maibé autóriza de'it sira ne'ebé hola hahán bázika, pulsa eletrisidade, no bá tratamentu médiku.

Maske la hatene hotu feto no mane hira husi ema na'in-233 ne'ebé kaptura, maibé halo ona identifikasaun hodi aponta iha sistema PNTL nian.

"Feto no Mane iha hotu,oioin ita kaptura, ema barak ita kaptura, feto no mane hira-hira ha'u la dékor, maibé ita aponta hotu ona iha sistema”, dehan nia.

Nune'e, PNTL husi Unidade Espesial Polísia (UEP), Unidade Polísia Marítima (UPM), Unidade Polísia Fronteira (UPF), Akademia Polísia, Komandu Jerál ne'ebé apoiu hotu Komandu Munisípiu Dili hanesan sumbrina ida hodi kontinua hala'o movimentu kontrola ema sai bá fatin públiku iha Munisípiu Dili, bazeia bá rezolusaun governu nian númeru 12/2021, loron 08 fulan-marsu tinan 2021 ne'ebé impoin serka sanitária iha Munisípiu Dili atu evita moras Covid-19 ninia hada'et.

Maibé iha loron 13 fulan-marsu tinan 2021, PNTL kaptura uluk ona komunidade na'in-21, no dadaun kumpri hela sela detensaun 72 oras iha Komandu Munisípiu Dili. (*)

Rate this item
(1 Vote)
Last modified on Sunday, 14 March 2021 16:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter