Kazu pozitivu tolu ne'ebe mosu ne'e kontinuasaun husi kazu rua ne'ebé antes ne'e deteta iha bairru BTN II, Tasi Tolu, Suku Madohi, Postu Administrativu Dom Aleixo, Munisipiu Dili iha loron 7 marsu.

“Ekipa konjunta saúde buka-tuir kontaktu-besik husi kazu rua ne'e, hahú iha loron 7 ne'e kedas, to'o ohin meiu-dia, rekolla amostra totál iha 472. Amostra hirak ne'e, totál iha 24 pozitivu (husi horisehik mai ohin iha tán kazu pozitivu hamutuk na’in-3),” dehan nia iha Sentru Konvensaun Dili (CCD), kuarta (10/3).

Iha sorin seluk, husi mós atividade rastreiu aleatóriu/random screaning, ne'ebé hala'o husi loron 6 marsu, to'o ohin iha Dili laran, ekipa konjunta saúde rekolla amostra hamutuk 1281 nune'e husi totál amostra ne'e 528 negativu, 752 iha prosesu hela no seidauk iha ida maka pozitivu.

Kazu detetadu ka pozitivu iha Dili, fahe ba foku/agrupamentu/cluster mak hanesan BTN II-Terra Santa kazu 6 no Ministériu Finansas/aldeia 4 Setembru.

Nune'e mós Comoro kazu 4, SEFOPE kazu 9, Bebonuk kazu 2, Ministériu Transporte no Komunikasaun kazu 2 no Hospital Nasional Guido Valadares kazu 1. (*)