Komandante PNTL Munisípiu Díli, Superintendente Xefe Henrique da Costa, informa Komandu PNTL Munisípiu Dili mós parte hosi Sentru integradu Jestaun krize (SIJK) nune'e halo servisu iha área seguransa ligadu ba informasaun prevensaun Covid-19 liuliu movimentu ilegál hosi sidadaun sira.
Tanba bazeia ba informasaun, PNTL Dili, kinta kalan, (25/02) iha área Vera Cruz asegura sidadaun nain-tolu ne'ebé deskonfia tama ilegál hosi fronteira.
"Horikalan ita iha informasaun katak iha na'in-olu tama ilegál, ne'ebé ita-nia ekipa ba foti kedas ona maibé ita halo identifikasaun, serake ema ne'e tama ilegál hosi fronteira mak mai ka sira ba iha Munisípiu tolu hanesan Suai, Bobonaro no mós Oecuse," dehan Henrique iha Kaikoli, Dili, sesta (26/02).
Henrique esplika, sidadaun nain-tolu ne'e hotu-hotu mane no PNTL Munisípiu Dili kaptura iha área Vera Cruz besik Igreja Katedrál, Dili no direitamente lori ba kuarentenaOtel Novu Orizonte.
"Ita seidauk halo identifikasaun loloos kestaun saúde nian hotu ita seidauk besik liu ba sira," hakotu Henrique.(*)