PNTL sei Prosesa Komunidade Ne'ebé La Kumpri Regra EE

Prezidente Autoridade Munisípiu Dili Gaspar Soares akompania husi segundu komandante PNTL Dili hahu halo sensibilizasaun iha area Dili laran relasiona ho luta kontra pandemia Covid-19, Kinta (7/01). Prezidente Autoridade Munisípiu Dili Gaspar Soares akompania husi segundu komandante PNTL Dili hahu halo sensibilizasaun iha area Dili laran relasiona ho luta kontra pandemia Covid-19, Kinta (7/01). Foto Tempo Timor

Tempotimor (Dili) - Prezidente Autoridade Munisípiu Dili Gaspar Soares, hateten Polísia Nasionál Timor-Leste sei prosesa komunidade sira-ne'ebé la kumpri regra Estadu Emerjénsia (EE) ba Ministériu Públiku (MP).

"Karik iha komunidade ne'ebé la uza maskra, la halo distansiamentu sosiál, tama iha loja sira la fase-liman ho sabaun, maka PNTL sei foti asaun hasoru ema refere no prosesa ba iha Ministéru Públiku," dehan Gaspar bainhira halo sensibilizasaun Covid-19 iha área Audian Dili, Kinta (7/01).

Líder Munisípiu Dili ne'e husu atu komunidade sir kumpri dekretu governu númeru 21/2020 ne'ebé relasiona ho prevensaun no kombate Covid-19.

Alende ne'e, Gaspar mós husu komunidade atu tau atensaun mós ba moras dengue ne'ebé rezulta ema mate iha tinan kotuk.

Iha fatin hanesan Segundu Komandante PNTL Munisípiu Dili, Superintendente Asistente Polísia, Euclides Belo reforsa liu tan, polísia prontu ezekuta dekretu governu númeru 21/2020 bainhira komunidade balun kontra hanesan la uza maskára ka sein kumpri distansiamentu sosiál.

"Dekretu governu númeru 21 ne'e maka, artigu 13 mensiona kona-ba sidadaun sira ne'ebé la kumpri, regalias, kontra orden sira-ne'ebé anusiadu husi autoridade kompetente mak sira la kumpri bele kriminaliza sira," dehan Euclides.

Euclides esplika dekretu governu 21/2020 artigu 21 hateten, responsáblidade kriminál ba sidadaun ne'ebé la obedese ba regra refere.

"Tanba ne'e mak Komandu PNTL Munisípiu Dili prontu kuandu ekipa ne'ebé hala'o servisu iha terrenu kaptura ema pesoál ka grupu ne'ebé la kumpri regra estadu emerjénsia maka lori mai ita bele prosesu sira hodi kanaliza informasaun sira ba Ministeiru Públiku," dehan Euclides.

Entertantu dekretu governu númeru 21/2020 aprova liuhusi Konsellu Kinistru hanesan parte prevensaun no kombate pandemia Covid-19.

Iha dekretu refere hatete evita atu halibur malu liu na'in 10, uza maskára, kria distansiamentu sosiál. (*)

Rate this item
(0 votes)
Last modified on Thursday, 07 January 2021 11:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks