Tuir observasaun www.tempotimor.com iha área merkadu Taibesi nian nota katak, Merkadu Taibese kuran higeniu tan ba dois husi ema nia mi iha parede, lixu kontinua naklekar ba mai, mezmu foin loron taan iha tinan 2021 nian.
Hatan ba lixu ne'ebé kontinua naklekar iha merkadu laran ne'e, Xefe Jestaun Merkadu Taibesi, Anibal de Jesus hateten lixu katak, lixu naklekar arbiru tanba konsiénsia negosiante tempu kalan nian mak la kontribui ba merkadu saudavél.
"Lixu ne'ebé dadaun naklekar iha área terminal ne'e, tanba kontribui husi negosiante sira ne'ebé faan sasan liu-liu iha tempu kalan," dehan Anibal ba www.tempotimor.com iha Merkadu Taibesi, Segunda (4/1)
Anibal esplika, esforsu hanesan avizu atu lixu hotu soe iha fatin ne'ebé perpara, inklui aplika regra internal balun hanesan fó sansaun maibé regras refere seidauk implementa loloos tanba husi parte Munisipiu Dili seidauk atribui karta formal relasiona ho regra refere.
"Pelumenus iha karta formál ruma para ami bele fo sansaun ida ne'e, laiha ne'e hrsida servisu iha pro-kontra hotu, horsida dehan ita halo kobransa ilegál, ida ne'e ami seidauk halo ida," dehan Nia.
Anibal mos hatutan, husi esfirsu ne'ebé tinan kotuk halo ne'e bele lori esperansa foun katak iha mudansa, maibé realidade kontinua akontese.
Servidór estadu ne'e apelu ba vendedór atu soe foer ba fatin lixu ne'ebé perparadu. Nune'e merkadu Taibesi bele moos no atrai kompradór tantu rai-laran no liur sosa produtu ne'ebé faan iha merkadu Taibesi.
Entretantu obrserva mos besi sira ne'ebe taka Valeta iha terminal laran sai kabetak no kleuk hotu ona maibe Autoridade seidauk iha neon atu halo manutensaun ba Terminal Merkadu Taibese. (*)