Ministru ne’e rasik oreinta nafatin diresaun água no saneamentu atu kontinua hamos sistema drainajen ne'ebé lokaliza iha kapitál Dili, nune'e bainhira tempu udan labele hamosu inundasaun.

"Ha’u husu no apela atu kontribui, hare ita nia sistema drainajen nafatin mantein moos, labele iha sendimetasaun atu bele fasilita be halai lalais evakua ba tasi," Salvador hato’o apelu ne’e iha Palásiu Governu Dili, Kuarta (16/12).

Membru governu ne'e mos hateten, MOP kontinua hasai sedimentasaun ho kumpri nia servisu ne'ebé iha, inklui preokupa ho atetude komunidade ne'ebé lixu iha drainajen ne'ebé sei fó impaktu atu hamosu inundasaun iha tempu udan.

Área ne'ebé MOP halo manutensaun drainajen mak lagoa Tasi-tolu, Bairu-pite, Kai-koli inklui fatin seluk iha kapital Dili ne'ebé presija atu normaliza.

Entertantu, Bainhira iha tempu udan kapital Dili risku tebes ba inundasaun tanba impkatu mos sistema drainajen ne'ebé ladun diak.(*)