"Aban sei haruka pakote ida ne’ebé há’u tetu ne’e ba Konsellu Ministru", dehan Meno Paixão, iha Palásiu Prezidensiál, Bairru-Pité, Tersa (12/3).
Nia dehan, lista kandidatura ne'ebé simu husi PNTL iha rua, maibe Ministru Defeza no Seguransa taes fali hodi apeezenta de'it lista ida ba Konsellu Ministru.
"Ha'u hasa'e pakote ida de’it. Ha’u labele dehan sai lai pakote saida. Pois to’o iha Konsellu Ministru deside mak imi sei haree”, tenik Ministru Defeza, iha Palasiu Prezidensiál, Bairru-Pité, Tersa (12/3).
Eis-Brigadeiru F-FDTL ne’e esplika, hanesan ministru nia tetu no haree fali lista, ofisiais sira polisia nia ida ne’ebé prienxe kondisaun duni atu sai komisariu ida no adjuntu.
Kandidatu sira ne’e, pelumenus tenke Superentedente ka xefe durante tinan haat ona iha ninia kargu. Tenke iha kursu kona-ba defeza no seguransa. Ne’e imporante, tanba sai komisáriu tenke hatene.