“Ateru kontroladu lixu, agora daudaun lixu ne’ebá ne’e, ita hakoi balun no sunu balun. Agora ateru kontroladu ne’e ita sei la sunu no sei la ateru. Ateru tuituir to’o fatin ne’e metru atus ida, kuandu labele uza ona ita muda ba fatin seluk”, tenik Ministru Interinu Administrasaun Estatál, Jose Abilio Caetano, iha Resintu UNTL, Kinta (21/2).
Tuir estudu, lixu Tibar sei halo ateru kontroladu no sei uza to’o tinan limanulu de’it. Signifika to’o ona tinan limanulu tenke muda ba fatin seluk, maibe agora seidauk uza to’o tinan limanulu.
“Agora lixu iha Tibar ne’e, ita sei uza ba munisipiu tolu, hanesan Dili, Likisa no Ermera”, tenki ministru.