Ministru Obras Publika, Salvador Pires hateten, obras sira ne’e iha osan para atu selu, maibe sei depende hotu ba rekomendasaun KIP.

"Ami sei hein rekomendasaun para atu halo pagamentu, liliu ba sira ne’ebé iha ona kontratu”, tenik nia, iha knaar fatin, Kaikoli, Sesta (15/2/19).

Ministru ne’e salienta, iha tina 2018 Governu hahú halo ona pagamentu ba obras sira ne’ebé hola parte hamutuk projetu 143, maibé pagamentu bazeia ba progresu fíziku ne’ebé la’o iha terenu. Nune'e kuaze projetu 50-resin maka selu ona.

Montante orsamentu ne’ebé governu selu liu ona iha tinan 2018 ne’e maizumenus $200.000, inklui liña ministerial no obras publika.