Komunidade Fatuhada Hahú Rejistu ba Subsidiu $100

Komunidade sira haluha tiha distansia social tuir rezolusaun ne'ebe Governu fo sai hodi forma hela iha Xefe Suku Fatuhada, Marcelino Soares nia uma oin hodi halo dokumentus fixa familia nian, (10/4) Komunidade sira haluha tiha distansia social tuir rezolusaun ne'ebe Governu fo sai hodi forma hela iha Xefe Suku Fatuhada, Marcelino Soares nia uma oin hodi halo dokumentus fixa familia nian, (10/4) Foto Januario

Tempotimor (Dili)-Maske governu seidauk deside atu fó subsidiu ba uma-kain sira, maibé komunidade sira iha Fatuhada hahú rejistu hodi antisipa karik governu sei deside hodi oferese duni subsidiu $100 ba kada uma-kain.

Xefe Suku Fatuhada Marcelino Soares informa, nia parte fahe ona formulariu ba familia sira iha Suku Fatuhada hodi antisipa planu governu fó subsidiu.

"Ha'u la hatene Xefe Suku sira seluk, maibé tuir Xefe Suku Fatuhada nia vizaun haree buat ne'e tenke akontese, tanba nasaun sira seluk ninia kuandu akontese komunidade la sai ona, estadu ka Xefe Suku tuun ba terenu identifika ninia ema, entaun Xefe Suku prepara ona lista sira ne'e par governu munda mai, husu, ita hein intrega hodi implementa," dehan nia ba www.tempotimor.com iha ninia hela fatin, Fatuhada-Dili, Sesta (10/04).

Nia hatete, seidauk iha orientasaun husi governu ba rejistu, maibé nu'udar inisiativa hodi halo antisipasaun.

"Razaun seluk halo rejistrasaun ba fixa familia ne'e la'os atu antisipa de'it ba subsidiu $100 dolar ne'e, maibé atu antisipa mós ba karik mosu dezastre naturais ruma, entaun prepara antes par kuandu akontese governu halo apoiu umanitaria parte husi suku mós prepara ona," nia hatete.

Iha fatin hanesan, Komunidade Aldei 05 Filomena da Silva da Costa dehan, nia trata dokumentu ne'e hodi hein planu governu oferese subsidiu.

"Ita-nia governu atu fó $100 dollar kada uma-kain, tanba ne'e mak ohin ami mai trata hela dokumentus hirak ne'e", dehan nia.

Rate this item
(0 votes)
Last modified on Saturday, 11 April 2020 08:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com