Login to your account

Username *
Password *
Remember Me

MOP husu Apoiu Hasai Dili husi "Tahu Laran"

Lixu ho taho ne'ebe nakonu iha Ponte entre Bekuse ho Taibese nia leten Lixu ho taho ne'ebe nakonu iha Ponte entre Bekuse ho Taibese nia leten Foto Midia MOP

Tempotimor (Dili)-Inundasaun ne'ebé akontese iha Sesta (13/03) sai nu'udar dezastre naturais boot liu ne'ebé mosu iha kapital Dili iha tempu ukun aan ida ne'e. Hafoin inundasaun ne'ebé kauza uma-kain 1.105 sai vitima, tahu no lixu nakonu iha area sira ne'ebé afetadu.

Atu hamoos foer hirak ne'e, Ministériu Obras Públika husu apoiu husi ministériu sira seluk, Administrasaun Munisipiu Dili, no autoridade lokal sira atu fó apoiu.

Ministru Obras Públika Salvador Pires dehan, MOP sei foku liu ba estragus boot, tan ne'e ministriu sira seluk bele ajuda haree atu solusiona foer ne'ebé rezulta husi inundasaun.

"Ohin ko'alia iha Konselu Ministru mós hanesan Ministeriu Administasaun Estatal (MAE) atu nune'e Munisipiu Dili, Xefe Suku sira organiza an par kontribui  hamoos sedimmentu ne'ebé rezulta husi inundasaun ne'e rasik," dehan Ministru Salvador Pires iha palasiu governu, Segunda (16/03).

Kona-ba progresu normalizasaun kauza husi inundasaun, nia dehan, ekipa husi MOP konsege tesi no hasai ai-hun ne'ebé monu iha dalan no intupidu iha ponte okos.

"Normalizasaun kontinua la'o hela," dehan nia.

Hatan ba orsamentu atu normaliza kauza husi inundasaun, Salvador dehan, defisil atu halo inisiativa foun ho rezime duadesimal.

"Foin lalais iha novidades di'ak,  ministeiru finansas aprezenta ona lei jesatun finanseiru par iha tempu bele ba aprezenta iha parlamentu nasional, espera katak desizaun sira ne'e bele fasilita liu tan atividade governu nia par bele atende ba situasaun sira hanesan ne'e", dehan ministru ne'e.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter