Print this page

PR Lú Olo: "Kuda Ai Oan Garante Ambiente Saudavel" Featured

Tempotimor (Dili) - Prezidente Repúblika, Francisco Guterres Lú Olo hamutuk ho Primeiru Ministru, Taur Matan Ruak, kuda ai-parapa nu'udar asaun ida hodi restaura área degradadu.

"Sidadaun ida ai-oan ida hanesan dalan ida atu dada atensaun timoroan hotu, hamutuk halo forsa metin ida deit hodi kaer metin ita-nia hakarak koletivu ida maka hamatak ita-nia rain, atu garante ambiente furak no saudável ba jerasaun ohin loron no tuir mai," dehan Prezidente Repúblika, Francisco Guterres Lú Olo, iha Sabuli Postu Administrativu Metinaru, Sesta (13/3).

Iha atividade ne'e kuda ai-parapa hamutuk 50.000 ho objetivu atu re-strutura area degradadu hamutuk ektare 12.23 ho espésie 19.

Atividade kuda ai-parapa hanesan mos parta kampana nasional kuda ai-oan ho tema inportante "Sidadaun ida ai-oan ida", ne'ebé Prezidenti Repúblika Francisco Guterres Lú Olo lansa, iha 25 Janeiru 2019.

Partisipa, iha atividade ne'e Prezidente Repúblika, Francisco Guterres Lú Olo, Primeiru Ministru, Taur Matan Ruak, Prezidente Tribunal Rekursu, Deolindo dos Santos, Xefe Estadu Maiór Jenerál FALINTIL-FDTL, Majór Jenerál Lere Anan Timur, Komandante Jeral PNTL, Komisáriu Faustino da Costa, Membru governu, korpu diplomata, estudante, autoridade postu no suku Metinaru. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items