Molok ne'e, MS planeia atu harii fatin izolamentu iha area tolu iha Metinaru, Atabae no Atauro.
Ba planu ida ne'e, Administradór Postu Administrativu Atauro Mateus Belo deklara la konkorda ho planu refere.
"Ami rezeita planu ida ne'e tanba ita tenke haree rai ki'ik-oan ida iha tempu barak ona Atauru sai fatin izolamentu no izolamentu ba buat hotu-hotu, inklui dezenvolvimentu," dehan Mateus iha Muzeu Rejistensia, Dili, Sesta (14/02).
Nia dehan, iha Konstituisaun RDTL defini katak Atauro sei hetan tratamentu espesial, katak estatutu Atauro sei diferente ho postu administrativu sira seluk.
Maibé, nia hatutan, halo fali Atauro hanesan fatin karantina ka izolamentu signifika izola tan ona illa ne'e.
"Tanba kuandu lori ema ne'ebé deskonfia moras virus Corona ba izolamentu iha ne'eba, taka ona dalan ba turista sira atu vizita ba Atauru," dehan nia.