Impaktu Duadesimu: Munisípiu Dili Hapara Traballadór 140

Lixu ne'ebe butuk hamutuk iha resintu Merkadu Taibese, Dili (22/01) Lixu ne'ebe butuk hamutuk iha resintu Merkadu Taibese, Dili (22/01) Foto Tempotimor.com

Tempotimor (Dili) - Implemetasaun orsamentu duadesimu iha tinan fiskál 2020, obrigadu Administrasaun Munisípiu Dili hodi hapara traballadór hamutuk 140 ne'ebé halo servisu raut no hamoos lixu iha Dili laran.


"Pessoal Limpeza Esgostu (PLE) ne'ebé durante servisu hamoos valeta no bee dalan, ita haruka para tanba orsamentu laiha," dehan Adjuntu Autoridade Munisípiu Dili, José 'Zeca' Smith, iha nia knaar fatin, Matadouru-Dili, Kuarta (23/1).

Nia hatutan, alende traballadór 140, Autoridade Munisípiu Dili mos hapara kompañia balun ne'ebé halo manutensaun no seguransa ba jardín.

Osan ne'ebé aloka ba manutensaun jardín,  seguransa no servisu limpeza ne'e foti husi fundu kontinjénsia, maibé iha osan duadesimu fundu ne'e laiha. 

Impaktu husi hapara kontratu Traballadór Servisu Esgostu maka valeta sira sei intupidu no sei bele mosu inundasaun iha Dili laran.

Maski nune'e, mekanizmu seluk ne'ebé Autoridade Dili kontinua tenta maka halo enkontru regulár ho autoridade suku atu habelar informasaun ba populasaun, nune'e bele iha konxiénsia so'e lixu tuir fatin ne'ebé Munisípiu Dili prepara ona. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com