Labele Husik Animál Iha Sidade

Sekretáriu Estadu Meiu Ambiente, Demetrio de Carvalho do Amarál. Sekretáriu Estadu Meiu Ambiente, Demetrio de Carvalho do Amarál. tempotimor.com

Tempotimor (Dili) – Relasiona ho moras African Swine Fever (ASF) husi Afrika, ne'ebé hamate ona komunidade nia fahi iha Kapitál Dili kuaze 400 resin, Sekretáriu Estadu Meiu Ambiente, Demetrio de Carvalho do Amarál hatete, iha Dekretu Lei egenior públiku ne'ebé bandu komunidade labele husik arbiru fahi iha sidade laran.

Nia dehan, Prezidente Autoridade Munisípiu Dili (PAMD) mak hanesan entidade ne'ebé atu ezekuta Dekretu Lei egenior públiku ne'ebé bandu komunidade sira atu husik sira-nia animál arbiru iha sidade laran.

"Animál ne'ebé husik arbiru iha sidade laran, moris ho kondisaun ne'ebé la favoravel, entaun moras kona fahi arbiru. Depois fó mos perigu ba ema nia saúde tanba konsume na'an fahi ne'ebé hetan moras," esplika Demetrio iha Hotel Timor, Tersa (07/10/19).

Governante ne'e husu ba sosiedade hotu ne'ebé transforma nia-an mai moris iha sidade, hakarak atu hakiak animál presiza kria kondisaun ne'ebé di'ak atu animál labele hetan moras no liuliu labele estraga ambiente iha sidade laran.

"Iha sidade ne'e, ema mak atu hela hodi transforma moris. La'ós animál mós mai bou hamutuk hotu iha sedade," tenik Demetrio.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com