Premiu ba Manan Na'in Kompete iha Jogu Komunitáriu Sufisiente

Vice treseiru sub-komisaun organizadóra ba eventu 28 novembru iha Munisípiu Baukau, Augusto Ornai Ximenes ko’alia hela ba media sira, kinta (25/11). Vice treseiru sub-komisaun organizadóra ba eventu 28 novembru iha Munisípiu Baukau, Augusto Ornai Ximenes ko’alia hela ba media sira, kinta (25/11). Foto Tomas Freitas

Tempotimor (Baukau)- Vise treseiru sub-komisaun organizadóra ba eventu 28 novembru iha Munisípiu Baukau, Augusto Ornai Ximenes hatete, premiu ba manan na'in sira ne'ebé kompete iha jogu komunitáriu sufisiente.

"Premiu di'ak, tanba ita hetan osan husi Sekretáriu Estadu kuaze husi $300 to’o $1,500, maske la boot mais sufisiente ba Baukau, premiu ne'e boot", dehan Augusto, kinta (25/11).

Klube ne'ebé sai vensedór iha kompetisaun voleiból mane mak Postu Administrativa Kelikai unidade-6 primeiru lugar, Baguia segundu lugar, Kelikai unidade-5 hetan treseiru lugar no Baukau vila sai kuartu lugar.

Husi ékipa voleiból feto, Postu Administrativu Vemase mak sai primeiru lugar, Venilále okupa segundu lugar, Baukau vila treseiru lugar no Baguia sai kuartu lugar.

Ékipa basketból mane, Kelikai okupa primeiru lugar, Laga segundu lugar, Baukau vila treseiru lugar no Baguia kuartu lugar.

Parte feto husi basketból, Baguia okupa primeiru lugar, Baukau vila segundu lugar, Venilále treseiru lugar no Kelikai okupa kuartu.

"Iha voleiból no basketból sei haree mellór ékipa ida ne'e mós sei hetan premiu, maibé asosiasaun seida'uk relata", nia dehan

Enkuantu tanis meza iha grupu rua ne’ebé jogu remata ona, maibé nia parte seida'uk hetan rezultadu, tanba asosiasaun seida'uk relata dadus kompletu.

"Grupo ida mak tunggal juñior no grupu ganda señiór ne’e mane de'it, maibé sira finál tiha ona horseik", katak nia

Entertantu jogu komunitáriu futeból sei remata iha loron 26 fulan-novembru tinan-2021 no modalidade natasaun sei hahú mós iha loron hanesan ho finál jogu futeból, enkuantu modalidade atletismu feto no mane sei realiza iha loron 28 fulan-novembru oras 3:00 oras timor-leste.

Jogu komunitáriu ne'e, hetan apoiu husi Sekrétariu Estadu Juventude no Desportu (SEJD) ho montante orsamentu rihun US$ 32 no premiu ba manan na'in sira sei fahe iha Aldeia Darasula, Suku Gariuai, Postu Baukau Vila, Munisípiu Baukau iha loron 28 fulan-novembru hafoin remata seremonia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter