Prezidente Asembleia Jerál konfederasaun Desportu Timor-Leste (KDTL), Aniceto Goviea  Berlelo hatete, Estatutu KDTL Artigu 40 aliña 1, kada tinan haat Prezidente Meza Asembleia Jerál konvoka Kongresu atu eleze estrutura foun ba KDTL.

Ho ida ne'e KDTL hahuú Prosesu Rejistrasaun ba Kandidatu Estrutura Foun, tanba estrutura atuál nia mandatu remata ona.

"Estrutura Atuál KDTL ninia mandatu ramata ona iha loron 7 Marsu 2021. Nune'e, tanba situasaun Pandemia COVID-19, mandatu naktemin estende kada fulan tolu to'o agora. Tanba ne'e ami  aprezenta ona prosesu hirak ne'ebé liga ho asembleia Jerál KDTL  nia, atu halo prosessu rejistrasaun ba kandidatu  estrutura foun, hahú husi loron 18 to'o 26 Outubru tinan ne'e”, dehan Aniceto iha salaun KDTL GMT, sesta(15/10).

Kandidatu ba Prezidente Orgaun Prezidénsia sei priense no submete dokumentu sira hanesan, formulariu kandidatura Prezidente Ezezkutivu, Lista Pakote Kandidatura, Foto koloridu background mutin (4x6) tahan 4, Curriculum Vitae ( CV ), Motivasaun kandidatura ba Prezidente CDTL (Inklui Vizaun no Misaun ), Proposta Programa ba CDTL durante mínimu Tinan 4 nia laran, Deklarasaun konaba livre husi Dupla Funsaun tipu iha Orgaun Desportiva no  Atestadu Médiku.

Verifikasaun Dokumentu sei realiza iha loron 27-29 Outubru, Anúnsiu Rezultadu Verifikasaun iha loron 4 Novembru, Rekursu ba Rezultadu Verifikasaun sei hahú iha Loron 5-8 Novembru no Anúnsiu Rezultadu Rekursu iha Loron 9 Novembru. 2021 Periódu Konsolidasaun husi Kandidatu sira hahu husi Loron 10 to'o 17 Novembru  no  Asembleia Jerál sei realiza iha Loron 20 Novembru Tinan 2021. (*)