Login to your account

Username *
Password *
Remember Me

SEJD Apoiu Rihun US$8 ba Jogu Kampionatu Nasionál Xadrez

Federasaun Xadrez Timor-Leste (FXTL)  hala'o hela komunikadu inprensa iha  Universidade Nasional Timor Lorosa'e (UNTL), sesta (01/10). Federasaun Xadrez Timor-Leste (FXTL) hala'o hela komunikadu inprensa iha Universidade Nasional Timor Lorosa'e (UNTL), sesta (01/10). Foto Tempo Timor

Tempotimor (Dili)-Sekretáriu Estadu Juventude no Desportu (SEJD) apoiu osan hamutuk US$8,000.00-resin ba Federasaun Xadrez Timor-Leste (FXTL) hodi organiza no realiza  atividade jogu kampionatu nasionál ba dahaat iha tinan 2021.

"Ba Kampionatu Nasionál ne'e iha 8-mil itál, no apoiu tomak ba implemeniasaun kampionatu Nasionál Xadrez dahaat 2021 mai husi Sekretáriu Estadu Juventude no Desportu (SEJD)”, deklara Sekretáriu Jerál FXTL, Joviano Salves Reis, iha kna’ar fatin Universidade Nasionál Timor Lorosa'e (UNTL), sesta (01/10).

Pozisaun Federasaun Xadez Timor-Leste mós haree katak atividade desportu ne'e hanesan forma promusaun ba formasaun karater hodi haburas no habelar valór kultura familiár no servisu hamutuk iha kondisaun isin di'ak no saudável, hodi dezenvolve desportu nu'udar parte importante ida ba ema nia vida, hodi envolve sira iha relasaun sosiál, toleránsia, étika no valór demokrátiku.

Tanba ne'e, atividade Kampionatu Nasionál sei aplika ba nível junior no senior feto-mane oinsá mak bele hamóris atleta fini foinsa'e ida ne'ebé ho karater barani no kompetetivu, la'ós de’it kompete ba prestasaun, maibé mós bele reprezenta Timor-Leste iha Jogu Komunidade Nasaun Lian Portugez (CPLP) iha fufuru.

Dadauk ne’e, Prezidente FXTL dekreta ona despaisu ho númeru 14/FXTL/P/IX/2021 hodi fo ókompeténsia ba Komisaun Organizadora atu organiza atividade Kampionatu Nasionál ba dahaat ne'e.

Nune'e FXTL hakarak, husu ba públiku hothotu katak FXTL sei hahú simu prosesu rezistrasaun iha loron 04 to’o 25 fulan-Outubru tinan 2021, enkuantu abertura ba Kampionatu Nasionál sei realiza durante loron 3, hahú husi loron 26 to’o 28 Outubru 2021.

Maibé husu atu atleta kampionatu sira atubele bele rejista iha Komisaun Organizadora, aleinde tuir kritériu tenke submete kópia Kartaun Eleitorál-Sertidaun RDTL, foto koloridu 3x4, nune'e kada atleta ida tenke hatene notasaun Xadrez, hatene uza Chess Clook, hodi prontidaun atu kumpri regras Kampionatu Nasionál Xadrez 2021. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter