Login to your account

Username *
Password *
Remember Me

FNB-TL Promove Família Saudavel ho Taxa Primeira Dama

Espoza Prezidente Repúblika, Cidalia Nobre Mouzinho Guterres, simbolikkamente entrega hela taxa ba kampionatu sira iha palásiu prezidensiál Bairopite, segunda (05/07). Espoza Prezidente Repúblika, Cidalia Nobre Mouzinho Guterres, simbolikkamente entrega hela taxa ba kampionatu sira iha palásiu prezidensiál Bairopite, segunda (05/07). Foto Tempo Timor

Tempotimor (Dili)-Federasaun Basket Ball Timor-Leste (FNB-TL) kria eventu nasionál Taxa Primeira Dama ba kampionatu feto sira, hodi komtiribui promove família saudavel.

Espoza Prezidente Repúblika, Cidalia Nobre Mouzinho Guterres hatete, atividade desportu komtiribui ba promove mós família saudavel, hapara violénsia no habrani feto hodi hala'o sira-nia servisu ba oin.

Taxa Primeira Dama nu'udar inisiativa dahuluk husi Federasaun Nasionál Basket Ball Timor-Leste, iha ámbitu kampaña violasaun hasoru feto no labarik sira.

Ho atividade ne’e, hanesan ondra hodi rekoñese feto sira-nia talentu ne'ebé mak hatudu husi partisipa no sai vensedór ba taxa Primeira Dama 2020 iha loron 11 fulan-dezembru.

“Iha kampaña ne'e ita uza desportu nu'udar meius atu hametin amizade, solidaridade no espiritu desportividade iha komunidade no esperansa atu atleta basket ball sira iha fíziku di'ak no halo desportu hanesan, rekreasaun ida hodi kontribui ba promove família saudavel, hapara violénsia, haforsa no habrani feto sira hodi halo sira-nia moris ba oin”, afirma Cidalia iha palásiu prezidensiál Bairopite, segunda (05/07).

Tanba ne’e, kongratula atleta sira ne'ebé sai vensedór iha taxa Primeira Dama, espera inisiativa ne'e sei kontinua ba oin, la'ós de’it iha nível nasionál maibé akumula mós grupu atleta husi munisípiu sira.

Iha fatin hanesan, Prezidente Federassun Basket Ball Timor-Leste (FNB-TL), Joaquim Gusmão, agradese ba Espoza Prezidente Repúblika ne'ebé autoriza ona bele uza naran Taxa Primeira Dama ba iha kampionatu femenino.

“Ida ne'e sai hanesan marka ida nomós simblu ida ne'ebé mak di'ak hodi bele hatutan nafatin taxa ida ho naran Primeira Dama ne'e ba oin, ba tinatinan nafatin”, dehan nia.

Kampionatu ida ne'e ho naran Taxa Primeira Dama hodi komemora selebrasaun loron feto no labarik ne'ebé tinatinan husi espoza Prezidente Repúblika sempre hala'o, nomós selebra tinan 2021 kompleta atividade desportiva ho modalidade basket ball.

Tuir loloos prémiu ne'e, entrega kedan wainhira kompetisaun konklui, maibé ho situasaun pandamia ne'ebé mak hasoru, tenke adia hafoin bele konklui no entrega taxa no prémiu sira ne'ebé mak disponibiliza ona kampionatu.

Aliende ne’e agradese mós ba kompaña Rayates no Liurai ne’ebé sai patrosinadór esponsor úniku ba kampionatu tanba laiha esponsor labele realiza kampionatu ne'e

“Espera katak, kompaña Rayates no Liurai bele sai nafatin patrosinadór ba taxa tinan 2021 nian nune'e iha tinan ida ne'e sei selebra nafatin loron feto ho labarik no hakarak nafatin tau iha kampionatu ba femenino nian bele hala'o tan tinan ida ne'e”, afirma nia.

Entretantu reprezentante manan-na'in Laboratóriu Nasionál Saúde, Petronela Rita da Costa Marques hatete, orgullu tebes bele sai mánan na'in ba torneiu ne'ebé mak primeira vez realiza iha Timor-Leste.

“Ami ekipa Laboratóriu Nasional hakarak esforsu liután karik iha tinan ida ne'e sei realiza, ami bele sai manán na’in iha Eventu ida ne'e”, dehan nia.

Taxa Primeira Dama ne'e hahú iha fulan-dezembru ne'ebé aplika de'it ba instituisaun públik sira no ne’ebé iha manán-nain primeiru husi Laboratóriu Nasionál Saúde ho valor osan US$1,500, segundu lugar Ministériu Edukasaun e Desportu ho osan US$1,000, terseiru lugar ekipa Ministériu Obras Públik US$500 no ikus ekipa Ministériu Finansas US$250. (*)

Rate this item
(0 votes)
Last modified on Monday, 05 July 2021 19:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter