Login to your account

Username *
Password *
Remember Me

MAPKOMS Lansa Torneiu Futsal ba Ekipa 48

Ekipa Futebol Femenina rua ne'ebe prepara hela atu kompete iha  FUTSAL-MAPKOMS-2020,  farda kor mean ne'e husi MAPKOMS no Kor metan ne'e husi BNCTL Ekipa Futebol Femenina rua ne'ebe prepara hela atu kompete iha FUTSAL-MAPKOMS-2020, farda kor mean ne'e husi MAPKOMS no Kor metan ne'e husi BNCTL Foto Tempo Timor

Tempotimor (Dili)- Ministru Asuntu Parlamentar no Komunikasaun Sosiál (MAPKOMS) Francisco Jerónimo, ofisialmente halo lansamentu ba torneiu Futeból salaun (Futsal) MAOKOMS 2020, ne'ebé sei kompete husi ekipa futeból hamutuk 48.

Ekipa hirak ne'e, kompostu hosi ekipa mane 29 no ekipa feminina 19 Ne'ebe sei hala'o Jogu ne’e iha kampu multi funsaun Bebora, Dili.

Ekipa sira mak hanesan instituisaun mídia estatál rua hanesan Tatoli.IP no RTTL,EP, media privadu sira iha timor no instituisaun Governu ho órgaun independente sira hodi partisipa torneiu Futeból Salaun (futsal) “MAPKOMS” 2020.

Hafoin lansamentu, Ministru Francisco deklara, atividade ne’e hala’o hodi komemora loron Proklamasaun Independénsia RDTL ba dala-45, 28 novembru 1975- 28 novembru 2020, ho tema “futeból hanesan divertimentu desportu, Ba iha area futeból oinsa promove parseira ida mútua promove komunikasaun no hametin relasaun amizade”.

Nia hatutan, aleinde Objetivu seluk hosi torneiu ne’e atu hametin mós espíritu patriotizmu nasionalizmu no hakbesik MAPKOMS ho instituisaun mídia, jornalista no entidade relevante sira hodi kesi lasu amizade no parseiru liuhosi atividade desportiva.

“Atividade ida ne’e atu hato’o mós mensajen ida mai ita atu book an loroloron hodi kuida ita nia saúde, nune’e labele hetan moras,” dehan Ministru Francisco Jerónimo iha kampu multi funsaun Bebora, Dili, tersa (27/10).

Nia hato'o boa sorti ba ekipa futebol 48 ne'ebe sei kompete iha Futsal MAPKOMS, no husu atu joga ho di’ak.

“Tanba Iha ne’e mai joga la’ós atu mai tebe-malu, la’ós atu mai baku-malu. Ha’u fiar ita-boot sira hosi ministériu hotu, mídia sira hotu, imi sei joga ho di’ak to’o remata,” nia hateten.
Torneiu MAPKOMS ne’e hahú iha 27 outubru no sei termina iha loron 27 novembru, tinan ne’e.

Iha abertura ba torneiu ne’e prienxe kedas ho ekipa futeból feminina hosi MAPKOMS vs BNCTL.

Rate this item
(0 votes)
Last modified on Wednesday, 28 October 2020 10:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter