Login to your account

Username *
Password *
Remember Me

Membru Tama-Sai Ilegal iha Fronteira, SEJD Bolu Dirijente PSHT

Sekretáriu estadu juventude i desportu, Abrão Saldanha, Prezidenti PSHT Baltazar Lemos Seixas, Sekretáriu Jeral PSHT, Pedro Aparicio no Prezidenti KRAM Octávio dos Santos hamutuk ko'alia ba Jornalista sira iha Sede SEJD Lesidere Dili, Sesta (11/9) Sekretáriu estadu juventude i desportu, Abrão Saldanha, Prezidenti PSHT Baltazar Lemos Seixas, Sekretáriu Jeral PSHT, Pedro Aparicio no Prezidenti KRAM Octávio dos Santos hamutuk ko'alia ba Jornalista sira iha Sede SEJD Lesidere Dili, Sesta (11/9) Foto Tempo Timor

Tempotimor (Dili)-Sekretáriu Estadu Juventude no Desportu Abrão Saldanha bolu dirijente grupu artemarsiais Persaudaraan Setia Hati Terate (PSHT) relasiona membru grupu refere ne’ebé kontinua tama ba Indonezia liu husi dalan illegal.

Sekretáriu estadu Abrão husu ba dirijente PSHT atu aviza ba ninia membru sira hodi labele ultrapasa fronteira.

"Ohin ha’u mak bolu dirijentes PSHT señor Baltazar ho señor Pedro tanba loron hirak ne'e ita haree midia publika kona-ba kruza fronteira husi membru organizasaun PSHT, tanba ne'e mak ohin husu ba lideransa PSHT oinsa mak hakalma, informa ba nia membru sira atu hakmatek," dehan Abrão iha nia knar fatin, Lesidere, Dili, Sesta (11/9).

Nia hatete, governu la taka matan no serbisu maka’as oinsa mak halo fali pakote lejislasaun hodi akomoda organizasaun artemarsiais hotu-hotu nia aspirasaun nune'e iha lei hodi regulariza atividade organizasaun sira ne'e iha tinan sira mai oin.

"Esforsu mak governu tenke halo diálogu fali ho artemarsiais sira atu halo fali pakote lejislasaun kona-ba artemarsiais sira par bainhira ita reativa fali artemarsiais iha ona lei sufisiente atu reguraliza no atu tulun sira organiza sira-nia an di’ak liu tan," dehan Abrão.

Entretantu, asaun ultrapasa illegal husi membru PSHT hamosu mós preokupasaun husi Prezidente Repúblika Francisco Guterres Lú Olo.

PR Lú Olo mós konvida parte governu hodi halo enkontru relasiona ho membru PSHT sira ne'ebé kontinua tama-sai illegal iha fronteira rai maran.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter