Membru Loriku Adventure ho motor 18 hahú atividade haleu Timor Leste iha 1 Novembru no remata iha 12 Novembru.
Loriku Adventure hahú sira-nia viajen husi Dili ba Oekusse, hafoin fila mai Kovalima, kontinua ba Bobonaro, Maliana, Ermera, Likisa, Manatuto, Baukau, Lospalos, Vikeke, Manufahi, Ainaro, Aileu no tama mai Dili.
Koordenador ba eventu Nelson Turquel informa, liu husi atividade haleu munisipiu ne’e Loriku Adventure mós hatudu filmajen 12 Novembru iha fatin ne’ebé sira deskansa ba.
"Iha atividade ne'e kalan sempre konta istoria no loke filmajen ba maluk sira (iha) kada munisipiu," informa Nelson iha Semiteriu Santa Kruz, Tersa (12/11/2019).
Kona-ba orsamentu ba atividade ne’e, Nelson dehan, membru grupu mak tau osan hamutuk hodi realiza atividade refere.
"Orsamentu ne'ebé ami uza ho osan rasik, kada fulan ami so’e hamutuk iha kofre depois mak hasai no la to'o ami aumenta tan,” nia dehan,