Login to your account

Username *
Password *
Remember Me

Governu Prepara Halo Audénsia ho Líder GAM no GAR

Vise Ministru Interior (MI), António Armindo. Vise Ministru Interior (MI), António Armindo. Foto Suplay

Tempotimor (Dili)-Vise Ministru Interior (MI), António Armindo deside, hasoru malu urjente ho Sekretariadu Estadu Juventude no Desportu (SEJD) Komisaun Reguladora Arte Marsiál (KRAM) no Komandante Jerál Polísia Nasionál Timor-Leste (PNTL) hodi diskute preparasaun sira antes tama ba audénsia ho líder Grupu Arte Marsiál (GAM) no Arte Rituál sira.

“Sim enkontru ida ohin (07/09) ne'e preparasaun atu enkontru ho estrutura Arte Marsiál ho Arte Rituál sira iha tuku 2, iha komandu. Purtantu objetivu ida ohin ne'e enkontru mak ida-ne'e mesak de'it”, dehan Vise MI Armindo iha edifísiu Ministériu Interior, kuarta (07/09).

Husi diskusaun urjente ida-ne'e ko'alia liu kona-ba preparasaun oinsá Governu ho komandu Polísia Nasionál Timor-Leste atu responde no ko'alia ho estrutura Arte Marsiál no Arte Rituál sira liga ho krime sira-ne'ebé akontese durante iha semana ida-ne'e.

Prezidente Komisaun Reguladóra Arte Marsiál (KRAM) Timor-Leste, Octavio da Conçeição hatete, enkontru ida-ne'e diskute kona-ba orientasaun no liña koordenasaun servisu instituisaun nian atu asegura polítika Governu nian husi situasaun violénsia ne'ebé mosu iha rai laran.

“Enkontru ida ohin ho Vise Ministru Interior, Sekretáriu Estadu, Komandante Jerál PNTL, servisu de Koordenasaun atu haree ba situasaun atuál iha rai laran. Hanesan ohin  ha'u hatete ne'e serbisu de Koordenasaun, ami laiha desizaun maibé ami iha de'it orientasaun no lina Koordenasaun sira idaidak iha nia kna'ar servisu nian atu hala'o servisu ne'ebé mak tuir polítika Governu nian”, deklara nia.

Tanba husi Koordenasaun servisu no orientasaun sira-ne'ebe halo oinsá atu haree ba violénsia sira-ne'ebe akontese iha rai laran, no deskonfia envolve Membru Arte Marsiál no Arte Rituál sira.

Nune'e parte Governu oinsá bele haree nomós oinsá mak parte seguransa mós bele halo servisu hodi fó atuasaun ba situasaun hothotu atubele garante nafatin pás no estabilidade iha raí laran.

Tanba ne'e, husu ba organizasaun Arte Marsiál ho Arte Rituál sira liliu sidadaun timoroan hotu atu kontribui no kolabora nafatin ho komandu PNTL.

“Orientasaun ne'e kabe liuba Ministériu ida-idak liliu Ministériu Interior, Sekretáriu Estadu Juventude no Desportu Komisaun Reguladora Arte Marsiál, ida-idak halo tuir kompeténsia servisu ne'ebé atribui husi lei ida-idak nian”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter