Print this page

SEJD Vizita Fatin Treinamentu PSHT iha Nunura

Sekretáriu Estadu Juventude no Desportu (SEJD), Abrão Saldanha ‘Nokosiku’, halo vizita ba fatin treinametu organizasaun Persaudaran Setia Hati Terate (PSHT) iha Suku Nunura. Sekretáriu Estadu Juventude no Desportu (SEJD), Abrão Saldanha ‘Nokosiku’, halo vizita ba fatin treinametu organizasaun Persaudaran Setia Hati Terate (PSHT) iha Suku Nunura. Foto Suplay

Tempotimor (Dili)-Sekretáriu Estadu Juventude no Desportu (SEJD), Abrão Saldanha ‘Nokosiku’ halo vizita fatin treinametu organizasaun Persaudaran Setia Hati Terate (PSHT) iha Suku Nunura, Postu Administrativu Maliana, Munisípiu Bobonaru.

Tuir informasaun ne'ebé www.tempotimor.com asesu iha pájina Sekretáriu Estadu Juventude no Desportu SEJD relata, nia husu ba Organizasaun PSHT atu treinu ba públiku no labele treinu iha tempu kalan.

Nune’e mós treinamentu ida hanesan ne’e tenke tau importánsia kona-ba komponente edukasaun sivika nian, atu nune’e líder nasional sira hanesan Veteranu, PNTL ka F-FDTL sira bele ba fó edukasaun sívika kona-ba luta libertasaun nasionál nian nomós edukasaun sidadania ba membru foun sira atubele halo tuir regra organizasaun nian no valoriza prinsípiu organizasaun inklui tane a’as nasaun nia dignidade ba oin.

Entertantu Sekretáriu Estadu Jjuventude no Desportu mós apela hotu ba organizasaun sira seluk, halo treinamentu karik tenke nakloke ba públiku, labele treinu iha tempu kalan. Nakloke ba publiku hodi nune’e komunidade sira bele asiste treinu refere.

Aliende ne’e mós tuir Segundu Diretiva KRAM fó sai katak kada ramo ka (ranting) iha Suku ka Aldeia ida, totál ema hamutuk 25 nomós treinadór hamutuk na’in-5 mak bele responsável ramo ida ka ranting ida. Tamba hothotu hatene katak reintregrasaun organizasaun arte marsiál ba sosiedade. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items