Login to your account

Username *
Password *
Remember Me

Timoroan Na'in-Tolu Hetan Títulu Direta husi FIDE iha Olimpiade Xadrez Mundiál 2022

Atleta Timoroan sira ne’ebé partisipa Olimpiade Xadrez Mundiál 2022 nian, Chennai-Índia. Atleta Timoroan sira ne’ebé partisipa Olimpiade Xadrez Mundiál 2022 nian, Chennai-Índia. Foto Suplay

Tempotimor (Dili)-Atleta Timoroan na'in-3 hetan títulu direta husi FIDE Master (FM) no Women Candidate Master (WCM) iha Olimpiade Xadrez Mundiál 2022 nian, Chennai-Índia.

Tuir informasaun ne’ebé www.tempotimor.com, asesu iha pájina FXTL, kuarta (10/08) katak, iha jogu ikus ba Ekipa Mane no Feto Timor-Leste iha Olimpiade Xadrez Mundiál, Atleta Elfiana dos Santos vense ninia oponente maske atleta sira seluk la konsege kontribui vitória.

Iha Jogu Ronda ikus nian ne'e, atleta Elfiana dos Santos hamate liurai oponente ho Naran Chika Pride husi Nasaun Bahamas kuaze oras tolu nia laran.

Hafoin manán iha ronda ikus nian ne'e, atleta Elfiana dos Santos konsege gaña totál pontu individuál 4.

Haree ba rezultadu sira ne’e, Atleta Timoroan na'in-3 hanesan Helder de Araújo ho títulu direta nu'udar FIDE Master (FM) ho pontu 7.5, Atleta Sonizia Tilman da Silva hetan títulu nu'udar Women Candidate Master (WCM) ho pontu 5 no Atleta Elfiana dos Santos hetan mós títulu Women Candidate Master (WCM) ho pontu 4.

Ho títulu foun tolu ne’e, Timor-Leste iha ona atleta ho títulu CM na'in-ida (Tito dos Reis), WCM na'in-rua (Sonizia Tilman da Silva no Elfiana dos Santos) no FM na'in-ida (Helder Soares de Araújo). (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter