Tuir informasaun ne’ebé www.tempotimor.com, asesu iha pájina KFP, sesta (05/08) katak, modalidade Voleiból Praia ne’ebé kompete iha ASEAN University Games 2022 iha Tailándia termina ona faze apuramentu loron 4 Agostu 2022 liuhusi kompetisaun fantástiku entre Ekipa Timor-Leste A no B kontra Ekipa husi nasaun Laos A no B.
Ekipa Timor-Leste A ne’ebé molok ne’e lakon ona ho ekipa uma-na’in iha loron 1 Agostu liuba, ho esforsu maka’as hodi konsege manán ekipa husi Laos A ho rezultadu Set Primeiru 21-17 no Set Segundu 21-15.
Nune’e Ekipa Timor-Leste B ne’ebé lakon ho Ekipa husi Tailándia B, kontinua kompete no konsege manán ekipa husi Laos B ho rezultadu 18-21, 26-24 no 15-7.
Ho rezultadu hirak ne’e, asegura fatin ba ekipa rua ne’e hodi hasoru Tailándia A no B iha semi finál ne’ebé realiza iha loron 5 Agostu 2022. (*)