Login to your account

Username *
Password *
Remember Me

Ekipa Feto Ultrapasa Nasaun 54 iha Ronde Daneen Olimpiade Xadrez Mundiál

Ekipa Xadres Feto Timor-Leste ne'ebe partisipa Olimpiade Xadrez Mundiál, iha India. Ekipa Xadres Feto Timor-Leste ne'ebe partisipa Olimpiade Xadrez Mundiál, iha India. Foto Suplay

Tempotimor (Dili)-Ekipa Feto Timor-Lestte konsege ultrapasa Nasaun 54 no Ekipa Mane ultrapasa Nasaun 15 hafoin Ronda Daneen iha kompetisaun Olimpiade Xadrez Mundiál.

Tuir informasaun ne’ebé www.tempotimor.com, asesu iha pájina FXTL, sesta (05/08) katak, rezultadu impresivu hatudu husi Atleta Feto no Mane Timoroan sira hafoin jogu Ronda Daneen iha Olimpiade Xadrez Mundiál ne'ebé realiza hela iha Sidade Chennai-India.

Ekipa Feto kompostu husi Atleta Elfiana dos Santos, Maria do Ceu, Sonizia Tilman da Silva no Zulmira Americo Tilman joga di'ak tebes tanba Manán Nasaun Mali no Nasaun Kameroon alende atleta balun manán no empata ho nasaun seluk, lori Ekipa Timor-Leste klasifikadu iha pozisaun 108 husi totál nasaun 162 ne'ebé hola parte iha Olimpiade ne'e.

Ho klasifikadaun ne’eb’e iha siknifika mós Ekipa Feto Timor-Leste ultrapasa Nasaun 54 ne'ebé Jogu Xadrez la'ós Modalidade Desportiva foun iha sira-nia nasaun kompara ho Timor-Leste ne'ebé ninia federasaun foin halo tinan 8 ba 9.

Situasaun kuaze hanesan mós akontese iha Ekipa Mane Timor-Leste ne'ebé kompostu husi Tito dos Reis, Helder de Araújo, Cosme Guterres no Marcos da Conceição.

Hafoin jogu ronda daneen, Ekipa mane klasifikadu iha pozisaun 173 husi totál nasaun 188 ne'ebé kompete iha Eventu Mundiál ne'ebé babain realiza kada tinan 4.

Ho klasifikasaun ne'e mós hatudu katak Ekipa Mane Timor-Leste ultrapasa ona nasaun 15 seluk mak hola parte mós iha eventu élitu refere.

Hafoin ronda daneen ne'ebé realiza iha loron 3 fulan-augustu, atleta hothotu hetan biban atu deskansa iha loron 4 augustu nune'e ronda dahituk realiza iha loron 5 augustu 2022, tuku 3:00 oras Chennai-Índia.

Iha ronda dahituk Ekipa mane hasoru Ekipa husi nasaun Fiji no Ekipa Feto sei hasoru Ekipa husi nasaun Zimbabwe. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter