Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Falur Rate Laek hatete, lori instituisaun nia naran hamutuk ho komandante Komponente tomak hato’o agradese wain ba Governu Korea, tanba bele ajuda ona ekipamentu Tekwondo nian ba F-FDTL.
“Obrigadu barak sua Embaisadór Kim Jon Hou, ha’u lori Komandante Komponente hotu nia naran hato’o obrigadu barak, tanba ita-boot sira mai kontinua nafatin buat ne’ebé ita halo tiha ona, no ita hatutan nafatin buat ne’ebé ita hahú ona”, dehan Tenente Jenerál iha Kuartel Jenerál F-FDTL, Fatuhada, tersa (12/07).
Nune’e husu ba Governu Korea atu nafatin halo Kooperasaun iha área militár nian hodi bele kontinua servisu hamutuk iha futuru.
“Ami husu nafatin Governu Korea Súl atu hametin nafatin ita-nia lasu amizade liuhusi kooperasaun tékniku Militár atu nune’e ita bele servisu hamutuk di’ak liután iha futuru oin mai, liliu iha área Militár nian entre Forsa Armada nasaun rua ne’e nian”, hatutan nia.
Iha-ne’e husu mós ba Militár sira tenke uja didi’ak ekipamentu sira ne’ebé oferese, taba Taekwondo hanesan treinu ofisiál Militár nian.
Ba atividade Taekwondo ne’ebé aplika iha forsa laran, ba fututu nasaun Korea sei apoiu treinadór hodi treinu treinu Taekwondo ba militar sira iha avansadu nian. (*)