Realiza semináriu iha Munísipiu Baukau, fó motivasaun ba joven sira atu bele involve aan iha mundu filme no muzíka nian.

"Matéria ne'ebé ha'u fahe ne’e, oinsá ha'u involve iha mundu entertainment no ha'u sei fó motivasaun ba joven sira iha Baukau atu sira bele halo mudansa ba sira nia talentu," dehan nia iha salaun apuramentu Baukau hafoin realiza semináriu, kinta (19/05).

Artista Klaudia partisipa mundu múzka hahú husi idade ki'ik no partisipa ona iha eventu Rising Star, Idol Indonésia, inklui involve aan iha filme ho títulu Fatih di Kampung Jawara.

Nune'e, Prezidente Konsellu Nasionál Juventude Timor-Leste (CNJTL-sigla portugés) Munísipiu Baukau, Julio Paulo Gomes, hatete, prosesu lori artista indonézia Karen Klaudia mai Timor-Leste, tanba hetan koperasaun ho banda muzíka Uma Na'in TL hafoin halo kontaktu direita ho artista refere.

"Kona-ba orsamentu alokasaun ba Karen Klaudia, ita prepara de'it tiket, PP ne'e totál orsamentu US$1.780, ita la selu nia talenta, nia oferese gratuita mai animasaun ba loron restaurasaun independensia ba dala XX (20) iha Baukau," nia informa

Liuhusi konsertu muzíka refere, atu hametin relasaun juventude Timor-Leste ho indonésia ba futuru di'ak liután iha mundu muzíka. (*)